3 брзи рецепти што се прават во микробранова, за кога не ви се готви
Пица лепчиња или мешан зеленчук, и колач во шолја за десерт – во микробранова печка можете да направите цел оброк.
Ако не ви се „виси“ над шпорет или немате многу време, можете да си направите вкусен и хранлив оброк во микробранова.
Три рецепти за микробранова што треба да ги пробате:
Пица лепчиња во микробранова
Потребни состојки:
- 3 парчиња леб
- Неколку парчиња сувомеснато по ваш избор
- 1 домат со средна големина
- 50g кашкавал
- 1-2 лажички маслиново масло
- 2-3 маслинки
Начин на подготовка:
- Изрендајте го кашкавалот, а доматите и маслинките исечете ги на кругови.
- На парчињата леб ставете маслиново масло (или путер).
- Ставете го сувомеснатото на парчињата леб, па маслинките и доматите и додајте го ренданиот кашкавал.
- Ставете ги лепчињата во микробранова на 800W, околу 2-3 минути или додека кашкавалот да се стопи.
Мешан зеленчук во микробранова
Потребни состојки:
- 3 компири со средна големина
- Половина морков
- 1 помал кромид
- 1 помала тиквичка
- 1 бабура
- 1 чешне лук
- 2 лажици вода
- 1 лажица масло
- Сол и бибер по вкус
Начин ан подготовка:
- Излупете ги компирите и исечете ги на мали парчиња.
- Ставете ги во сад за микробранова, додајте две лажици вода, покријте го садот и ставете ги во микробранова – 5 минути на 750W.
- Исечкајте го останатиот зеленчук, освен лукот и доматот, на парчиња колку компирите.
- Додајте го исечканиот зеленчук во садот со компири, покријте го и гответе уште 5 минути на 750W.
- Исечкајте ги лукот и доматот и додајте ги во садот со зеленчук.
- Измешајте сè со масло, сол и бибер, па ставете го садот покриен во микробранова уште 5 минути на иста моќност.
Мини колач во шолја
Потребни состојки:
- 1 јајце
- 3 лажици млеко
- 1-2 лажици шеќер
- 3 лажици брашно
- 1 лажичка прашок за печиво
- 1/2 лажичка ванилин шеќер
- Прстофат сол
Начин на подготовка:
- Со маталка измешајте ги јајцето, шеќерот и солта.
- Додајте го млекото и продолжете со мешање.
- Додајте ванилин шеќер, прашок за печиво и брашно и мешајте додека смесата не стане хомогена. Тестото треба да биде густо.
- Во шолја погодна за микробранова (од 350ml или поголема) ставете малку масло и размачкајте го, па истурете го тестото.
- Ставете ја шолјата во микробранова околу 3-4 минути, на 800W.
Спирова С. | Црнобело
Би можело да ве интересира:
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Рецепт за крофни со шеќер како на плажа
Има ли некој што не ги сака крофните со шеќер што се продаваат на плажа? Вкусни,...
Рецепт за турски ѓевречиња меки како душа
Овие турски ѓевречиња уште се познати и како ачми, а може да ги подготвите и со ...
Лиснати погачици со сладок крем и вишни
Ова слатко лиснато задоволство е совршено за појадок или ужинка. Дали би го проб...
Вкусен викенд појадок - потпечена тортиља со спанаќ и кашкавал
Богатство од вкусови за совршен викенд појадок кој се подготвува за 30-тина мину...
Рецепт за најбрзиот десерт од само 3 состојки
Што можете да подготвите за десерт набрзина, без да губите премногу време? За ов...
Препорачуваме
Најчитани неделава
