Сочни шпагети со ракчиња, готови за 20 минути
Љубителите на морско мора да го пробаат овој рецепт за сочни тестенини со ракчиња.
Се подготвува лесно, за околу 20 минути, а вкусот е уникатен и преубав, посебно ако обожавате морска храна.
Затоа, не размислувајте многу, туку набавете ги сите потребни состојки и почнете со готвење.
Потребни состојки:
- 200g шпагети
- 300g ракчиња (смрзнати или свежи)
- 4 чешниња лук
- ½ кромид
- Кора и сок од 1 лимон
- 100ml супа од зеленчук (или 100ml вода од тестенините)
- 200ml неутрална павлака
- Малку маслиново масло
- 100g путер
- 20g доматна паста
- Свеж магдонос
- Сол, бибер, буковка (по вкус)
Начин на подготовка:
- Ракчињата ставете ги во тенџере со вода на собна температура и оставете ги да отстојат 5 минути, па извадете ги, исцедете ги од вишокот вода и ако треба исушете ги со хартија.
- Сварете ги тестенините според упатството на кесичката.
- Додека се варат шпагетите, во тава ставете малку маслиново масло и половина од путерот, па препржете ги кромидот и лукот (ситно исечкани).
- Кога малку ќе заруменат, додадете ги ракчињата.
- Откако ќе се пропржат, зачинете по вкус, малку свеж магдонос, и кората и сокот од лимон.
- На крајот, ставете ги и супата (или водата од сварените тестенини) и неутралната павлака, додадете го останатиот путер и доматната паста и мешајте без престан.
- Во сосот додадете ги сварените шпагети и убаво спојте ги.
- Пред да ги послужите, наросете ги со црвен пипер и магдонос (по избор).
Видео постапка:
А. Ј. | Црнобело
Би можело да ве интересира:
Вкусни домашни чорбести јадења за 5 дена во неделата
Пет рецепти за највкусните домашни јадења кои сигурно ви ги правеле дома, а преп...
Рецепт за турски ѓевречиња меки како душа
Овие турски ѓевречиња уште се познати и како ачми, а може да ги подготвите и со ...
Лиснати погачици со сладок крем и вишни
Ова слатко лиснато задоволство е совршено за појадок или ужинка. Дали би го проб...
3 рецепти за деновите кога постите без масло
Шпагети со лук и сусам, вкусен ориз со лозови листови или киноа... Што можете да...
Вкусен викенд појадок - потпечена тортиља со спанаќ и кашкавал
Богатство од вкусови за совршен викенд појадок кој се подготвува за 30-тина мину...
Макарони во сос од тиква и морско оревче - вкус кој асоцира на есен
Најубавите есенски вкусови споени на едно место - тиква, морско оревче и тестени...
Препорачуваме
Најчитани неделава
