Совршен пролетен десерт - црвени палачинки со маскарпоне и овошје

Спонзорирано од:

Product Owner (Skopje) 17-04-2025	Product Owner (Ohrid) 17-04-2025
Product Owner (Bitola) 17-04-2025	Setup Engineer (Skopje) 17-04-2025

Совршен пролетен десерт - црвени палачинки со маскарпоне и овошје

Слаткиот вкус на палачинките во комбинација со свежото овошје, истовремено и ќе ве освежи и ќе ве заблажи.

sovrshen-proleten-desert-crveni-palachinki-so-maskarpone-i-ovoshje-01.jpg

Ако обожавате палачинки, тогаш мора да ги подготвите на овој начин - со крем од маскарпоне и свежо овошје. Совршен пролетен десерт.

Уште ако ги изнесете на трпеза пред гости, ќе ги воодушевите со своите кулинарски способности.

Потребни состојки:

За палачинките:

2 јајца
35g шеќер
20ml растително масло
190g млеко
60g брашно
Црвена боја за храна
1 лажичка екстракт од ванила

За филот:

180g слатка павлака (или течен шлаг)
20g шеќер
30g маскарпоне
Јагоди исечкани на коцки
Парчиња вафли или готов пандишпан

За украсување:

Свежи јагоди
Боровинки
Шеќер во прав

Начин на подготовка:

Во сад измешајте ги јајцата, шеќерот, маслото, млекото, брашното, црвената прехранбена боја и екстрактот од ванила за смесата да се изедначи. Прецедете ја двапати за да не останат грутчиња.
Загрејте ја тавата на среден (или тивок оган) и пржете ги палачинките до пред да им се направат кафени топчиња (да останат целосно црвени).
Додека се ладат палачинките, изматете ја слатката павлака со шеќерот и маскарпонето за да добиете цврст шлаг.
Префрлете ја смесата во кеса за крем (за торти и колачи) и ставете ја во фрижидер.
Кога малку ќе се излади, почнете да ја филувате палачинката - во средината ставете од смесата со слатка павлака и маскарпоне, па врз неа едно тркалце вафла или пандишпан, па прекријте го со кремот.
Одозгора ставете неколку парчиња ситно сечкани јагоди.
Свиткајте ја палачинката како торбичка (како во видеото) и врзете ја со пластичен конец или кујнски коноп.
Украсете ги со јагоди, боровинки и шеќер во прав и послужете ги.