Рецепт за торта со јагоди и крем без печење
Ви се јаде нешто слатко, сочно и кремасто, а не сакате да печете? Пробајте ја оваа лесна торта со јагоди, која се прави многу едноставно...
Сезоната на јагоди почнува, па затоа уште со првите јаготки направете ја оваа слатка торта. Ако ја направите еднаш, ќе ја правите во текот на целата сезона.
Потребни состојки:
За филот:
- 7 шолји сечкани јагоди
- 2 лажици сок од портокал
- ¾ шолји шеќер
- Прстофат сол
- 2 лажици нишесте, изматено со 3 лажици вода
За тестото:
- 6 лажици несолен путер
- 28 суви колачиња со фил
За кремот:
- 2 шолји шлаг
- ¼ шолја шеќер во прав
- Прстофат сол
- 4 суви колачиња со фил
- 5 јагоди (поголеми)
Начин на подготовка:
- Ставете ги во длабок сад јагодите, сокот од портокал, солта и шеќерот и убаво измешајте ги за да се спојат. Ставете го садот врз средно силен оган и постојано мешајте додека да се растопи шеќерот.
- Кога ќе бидат сварени јагодите, додајте го нишестето растопено со водата, па варете со постојано мешање уште 10 минути.
- Тргнете го садот од огнот и оставете да остине околу 30 минути на собна температура. Потоа смесата ставете ја во фрижидер уште околу 30 минути.
- Во посебен сад ставете го путерот и стопете го во микробранова печка.
- Сувите колачиња со фил ставете ги во ќеса, затворете ја убаво и искршете ги со толчник или сукало за да добиете смеса во вид на песок. Ставете ги во садот со стопен путер.
- Кога колачите и путерот ќе се спојат убаво, смесата ставете ја на дното на калап во кој ќе го редите колачот.
- Врз основата истурете го филот од јагоди и распоредете го рамномерно. Вратете го во фрижидер, каде што треба да отстои најмалку 6 часа.
- Пред да ја послужите тортата, изматете ја шлаг пената со шеќер во прав, па ставете ја најгоре.
- Украсете ја тортата со неколку колачиња и јагоди.
Бонус видео:
А. Ј. | Црнобело
Би можело да ве интересира:
Рецепт за крофни со шеќер како на плажа
Има ли некој што не ги сака крофните со шеќер што се продаваат на плажа? Вкусни,...
Мрсна торта со вкус на тиква – домот ќе ви мириса како кај баба на гости
Традиционалните мрсни торти секогаш ни будат доза носталгија од деновите поминат...
Колач медено срце - посен десерт чиј вкус потсетува на детството
Брз, едноставен и со вкус кој ќе ви врати носталгија - колачот Медено срце е нав...
Вкусен викенд појадок - потпечена тортиља со спанаќ и кашкавал
Богатство од вкусови за совршен викенд појадок кој се подготвува за 30-тина мину...
Брз ролат со плазма и овошје (без печење)
Ако сте љубител на чизкејк, тогаш овој ролат без печење ќе ви се допадне, бидејќ...
Лиснати погачици со сладок крем и вишни
Ова слатко лиснато задоволство е совршено за појадок или ужинка. Дали би го проб...
Препорачуваме
Најчитани неделава
