Француски рецепт за ролнички со јаболка, ф’стак и цимет

Спонзорирано од:

Експерт за кредитирање во фили... 17-12-2024	Специјалист за царина и шпедиц... 17-12-2024
Бармен во Хотел Холидеј Ин - С... 17-12-2024	Facilities Manager 17-12-2024

Француски рецепт за ролнички со јаболка, ф’стак и цимет

Едноставен рецепт за превкусни француски ролнички со јаболка, цимет и ф’стаци, на кој нема да можете да му одолеете.

francuski-recept-za-rolnichki-so-jabolka-f-stak-i-cimet-01.jpg

Ролничките со цимет и јаболка се совршен десерт со преубав вкус...

За негова подготовка не ви се потребни многу состојки, само малку време да го подготвите, но напорот ќе вреди, бидејќи се топат во устата.

Потребни состојки:

1 пакување кори за баклава
3-4 јаболка (средна големина)
6 јајца
90g шеќер
150g брашно
60g стопен путер
100g ф’стаци ситно сечкани
300g млеко

За премачкување на корите:

Стопен путер
Цимет
Шеќер во прав

Начин на подготовка:

Стопете го путерот и со него премачкајте една кора. Посипете шеќер во прав преку цедалка за да го распоредите рамномерно на целата кора. Врз кората додајте и малку цимет.
Ставете втора кора, па и неа премачкајте ја со путер и наросете шеќер во прав и цимет.
Јаболката измијте ги и исечкајте ги на многу тенки резанки.
Наредете ги едно врз друго на долниот ден на кората, па свиткајте ја кората како хармоника (како во видеото). Потоа направете ролничка.
Сите ролнички ставете ги во тава за печење, која претходно сте ја намачкале со малку масло. Печете околу 20 минути на 190 степени.
Во друг сад ставете ги јајцата, шеќерот, брашното, путерот кој сте го стопиле и спојте ја смесата со рачна маталка.
Со смесата прелијте ги ролничките, па наросете ги со ситно исечканите ф’стаци.
Вратете ја тавата да во рерна уште 25 минути на 190 степени.
Кога ќе бидат испечени, наросете ги со шеќер во прав и послужете ги.