Корисни совети против јо-јо ефектот: Што да јадете откако ќе завршите со диетата?

Држевте диета, дојдовте до посакуваната тежина и сега е време повторно да се вратите на старата исхрана. Но, со тоа често се враќате и на старата килажа.

За трудот да не биде залуден, би требало да ги почитувате овие корисни совети:

- Секојдневното мени на исхрана би требало да содржи многу зеленчук, бидејќи не е калоричен а е полн со витамини и минерали. Плус, супер е за заситување во моментите кога ви се грицка нешто нездраво.

- Повеќе јадете бело месо и риба, а помалку црвено.

- Избегнувајте солени и калорични грицки. Секогаш е подобро да имате пообилен, а здрав ручек наместо подоцна да се фрлите на чипсовите.

- Француското правило „салата како предјадење“ може многу да ви помогне. Тоа ќе ви помогне ручекот да го дочекате без да сте прегладнети и да џвакате побавно. Сличен ефект има и чашата вода пред оброк.

- Никогаш не чекајте да прегладнете, туку јадете порано. Ако веќе дојде до таа фаза, најпаметно е прво да изедете чинија супа.

- Еднаш неделно воведете овошен ден, а тоа значи најмалку 7 пати во текот на денот да јадете овошје по избор.

- Купувајте слатки исклучиво во мало пакување. При рака секогаш имајте црно чоколадо.

- Трудете се телото да ви биде постојано во движење. Рекреирајте се минимум 2 пати неделно, а во меѓувреме шетајте.

- Остатоците од јадењето се исто така голема замка. Ако нешто ви остане од ручек, никако не го ставајте во фрижидер за подоцна. Секогаш попаметна опција е да нараните некое животинче.

- Не гответе со запршка. Храната варете ја или подготвувајте ја на пареа, наместо на масло. Вака подготвените оброци не само што полесно ќе се варат, туку и нема да се таложат на критичните делови.