Диетата на омилениот турски пар - актерите кои ги глумеа Шехерезад и Онур: Tој ослабе 14kg, таа 7kg

„Пиеме многу вода и чај од тревки. За појадок јадеме житарки со млеко и лажица мед. Ручекот обично е комбинација од месо и многу салата, а некогаш јадеме малку ориз. За ужинка правиме тост со чедар, а пред спиење пиеме чаша јогурт“, вели актерката Бергузар Корел, која сама ја осмислила диетата со која, таа и нејзиниот сопруг Халит Ергенч, слабеат најбрзо.

Актерите Халит Ергенч и Бергузар Корел, кои важат за еден од омилените турски парови, секогаш изгледаат одлично, а во сериите каде што глумат секогаш се во топ форма.

Но популарните актери, познати и како Онур и Шехерезад, во интервју признаа дека понекогаш мора да се стават на строг режим на исхрана кога се подготвуваат за некоја улога.

Диетата што ја практикуваат актерите пред снимање ја осмислила самата Бергузар. Овој начин на исхрана се покажал успешен кога се подготвувале за снимањето на серијата „Ти си мојата татковина“, каде што глумат заедно.

Со оваа диета за месец и половина Халит ослабел 14 килограми, а Бергузар 7 килограми.

По ова, секојпат кога треба да ослабат, актерите се придржуваат до истиот режим на исхрана.

„Го исфрлив шеќерот од исхраната, храната што содржи глутен и млечните производи. Всушност, можам да кажам дека главно бев на сирова храна“, рече актерот за својот режим на исхрана.

Медиумите тогаш пишуваа дека Халит на снимањето јадел ѓумбир, зелени јаболка, моркови, цвекло, сиров спанаќ и целер.

Тој често јадел супа од тиква и салата од киноа, а обично пиел лимонада и сок од житарки.

Иако не консумирале шеќер, ни Халит ни Бергузар не се лишиле од слатки, па јаделе десерт од нане, портокал и урми.

А за енергија внесувале крекери од бадеми и ленено семе и путер од какао и бадеми.

Бергузар во едно интервју откри и дека тајната на диетата се и течностите, па таа и Халит пиеле барем по 10 чаши вода дневно, пренесе „Diyetform“.

„Пиеме и многу чај од тревки. За појадок јадевме житарки и млеко со лажица мед, а за ужинка тост и чедар.

Ручекот обично е комбинација од месо и многу салата, а ако имаме потреба од леб, тоа е секогаш една кришка црн леб. Понекогаш за ручек јадеме и малку ориз.

Пред спиење секогаш пиеме чаша јогурт“, кажа актерката во една прилика.

Таа вели и дека со овој начин на исхрана не гладува, што е голема предност, бидејќи е често на снимање, а тоа го исцрпува организмот.  

Бергузер призна и дека ја користела оваа диета откако се породила, за побрзо да го симне вишокот килограми.

А. Ј. | Црнобело

Фото-извор: Инстаграм