Во домот на Вероника: Стан од 71m2 во Карпош, со златни детали, 3 библиотеки и многу уметнички дела

Во однос на стилот во кој е уреден просторот се одлучив за класичен дизајн со елементи на модернизам.

Преовладува белата и светло кафената боја со одредени парчиња мебел со сиви тонови. Најголемо внимание посветив на уметничките слики и модните додатоци кои преовладуваат во златна боја, која навистина го оплемени просторот.

Во дневниот простор се одлучив за уметнички слики од Корубин кои по стилот и темата на секоја од нив (Aura, Essence, Freedom) целосно се вклопија во нашата приказна и стил на живеење.

Во детската соба се изработија три посебни слики од Да Винчи, Ајнштајн и Никола Тесла за нашиот син Филипе (7) кој е еден навистина уметнички и ретко креативен и иновативен карактер.

Обожава да дизајнира автомобили, да слика и црта, да чита енциклопедии и научни и уметнички книги. Има цела колекција на автомобили и составени Лего парчиња за кои осмисливме посебен дел каде истите се изложени во собата.

Низ целиот простор осветлувањето е во златна боја, а најголемо внимание привлекуваат двата клима уреди во златна боја за кои сите се прашуваат каде успеавме да ги најдеме.

Едно од омилените катчиња за сите нас е пространиот балкон од 10 м² кој е опкружен со зеленило и парк што е навистина реткост за Скопје.

Наутро со кафе и добра книга уживаме да седиме на лулашката на балкон и да го слушаме цвркот на птици и детска смеа.

И за крај сите по дома сме ’зависници‘ од читање на книги. Имаме изобилство на стручна литература и беше неопходно да се осмисли каде сè ќе се сместат сите тие книги.

Имаме три библиотеки во просторот, една во спалната, една во трпезарискиот дел и една која е навистина уникатна и остава посебен впечаток.

Изработивме во дневниот простор ѕидна часовник библиотека за која нашиот син беше фасциниран кога првпат ја виде. Само рече: Сега може да си бираме во колку часот која книга ќе ја читаме.

Погледнете повеќе фотографии од домот на Вероника:

Продолжува на следната страница...