На гости кај Татијана: Стан од 64м2 во Влае со свое дворче, минималистичко уредување и златни детали

Детали

сабота, 05 август 2023

„Купувањето свој прв дом и на 38 години е голем чекор. А јас отсекогаш мечтаев за дом кој ќе има дворче и ќе биде катче каде што ќе уживам по работниот ден“, вели Татијана Стаменковска за CRNOBELO.com.

Татијана Стаменковска (38) од Скопје е сопственик на студио за трајна шминка на веѓи, а истовремено е и едукатор за сите оние што сакаат да го научат занаетот.

Таа неодамна се пресели во стан во населбата Влае, кој го уреди по сопствен вкус, во минималистички стил и светли бои.

Во разговор за CRNOBELO.com Татијана открива детали за уредувањето:

„Купувањето свој прв дом и на 38 години е голем чекор. А јас отсекогаш мечтаев за дом кој ќе има дворче и ќе биде катче каде што ќе уживам по работниот ден.

Станот се наоѓа во населба Влае и има 64m². Тука се вселив пред околу 2 месеци и уште се привикнувам на новото живеење и создавам нови навики.

Но, Влае е мое маало и некако секогаш имав желба да си останам тука.

Во станот има спална, гостинска и дневна соба, трпезарија, кујна и тоалет.

Стилот е минималистички, бидејќи ми беше желба да биде уреден хотелски.

Во ентериерот доминира белата боја со песочни тонови и златни детали.

Продолжува на следната страница...