Колку е опасен анафилактичниот шок и како да реагирате ако некој го добие?

Во случај на анафилактичен шок, неопходно е да се следат сите витални функции, особено отчукувањата на срцето, дишењето и крвниот притисок.

Анафилактичен шок е системска алергиска реакција која потенцијално може да биде опасна по живот и најчесто се јавува по употреба на одредени лекови, консумирање одредена храна или убод од инсекти.

За разлика од локалната алергиска реакција, каде што имунолошкиот систем претерано реагира на одредена супстанца создавајќи мала количина на хемиски супстанци кои се таложт на едно место, при анафилактичен шок, голема количина на хемиски супстанции се ослободуваат низ телото за многу кратко време.

Доколку итно не се делува, оваа реакција може да доведе до смрт. 

Луѓето кои се склони кон алергии, кои имаат членови на семејството кои имале анафилактичен шок или кои самите преживеале анафилактичен шок се изложени на зголемен ризик да го развијат. 

Симптоми на анафилактичен шок

Симптомите се појавуваат по 5 до 30 минути од контактот со супстанцата на која сте алергични. 

Понекогаш сите симптоми се манифестираат по еден час.

Најчести симптоми се:

• црвенило;
• осип на кожата;
• оток на различни делови од телото;
• отежнато дишење;
• губење свест;
• несвестица/вртоглавица;
• отежнато дишење;
• кашлица;
• тешкотии при голтање;
• гадење;
• повраќање;
• грчеви.

Како да реагирате ако некој добие анафилактичен шок?

Одговорот е едноставен - брзо. 

Луѓето кои знаат дека се преосетливи на одредени алергени супстанци кои можат да предизвикаат анафилактичен шок треба да носат сетови за самопомош со себе.

Во случај на анафилактичен шок, неопходно е да се следат сите витални функции, особено отчукувањата на срцето, дишењето и крвниот притисок. 

Следна реакција е одење во медицинска установа.

По развивањето на анафилактичен шок, пациентот треба да остане во болница најмалку 24 часа, за да се следи неговата состојба.

С. Ш. | Црнобело / фото: freepik.com