Како да се заштите од уринарни инфекции кога пливате во базен?

Само еден пливач може да внесе милијарди микроби, вклучително и фекални честички во водата. Денес базените се прочистуваат од овие микроби и се релативно безбедни, но сепак е препорачливо да знаете како да го намалите ризикот од одредени инфекции.

Базените, особено оние на отворено, се одлична можност за разладување за време на летните горештини.

Од друга страна, инфекциите на уринарниот тракт се вистински кошмар, а базените можат да бидат идеална средина за размножување на бактериите.

Воспаление настанува кога бактериите ќе стигнат до мочниот меур преку мочниот канал и таму ќе почнат да се размножуваат со голема брзина. 

Болното и зачестено мокрење, пецкањето и карличната болка се знак на уринарна инфекција.

Многу од капачите во базените не се тушираат пред да влезат во вода.

Целата пот, нечистотија, маснотии и производи за нега на кожа ја намалуваат моќта на средствата за дезинфекција базирани на хлор во базените.

Жените имаат поголем ризик да се инфицираат, поради краткиот мочен канал кој го поврзува мочниот меур со отворот каде што излегува урината.

Но, доколку ги следите следните совети, може да ги избегнете инфекциите:

Заштитете се себеси и другите

Ова значи дека треба максимално да се грижите за хигиената. 

Туширајте се најмалку 60 секунди пред да влезете во базенот и задолжително туширајте се откако ќе излезете од базенот. 

Само еден пливач може да внесе милијарди микроби, вклучително и фекални честички, во водата. 

Затоа, хигиената е приоритет.

Не ја голтајте водата

За само 45 минути од пливањето, просечна возрасна личност голта 1 лажица вода додека плива во базен, а децата дури двојно повеќе. 

Направете сѐ што можете за да ја намалите таа количина.

По капењето, веднаш соблечете го костимот за капење

Ако предолго останете во влажен костим за капење (а многумина чекаат да се исуши на нив), ризикувате многу.

Влажната и топла средина е најпогодна за размножување на бактериите.

Тестирајте ја водата од базенот

Ако нивото на хлор или pH во базенот е ниско, постои поголема можност бактериите да се размножуваат.

Ако имате ваш базен, тогаш самите тестирајте ги овие параметри - консултирајте се со професионалец за начинот.

Исто така, доколку забележите дека водата во базенот не е бистра и дека се шират непријатни мириси, не влегувајте да се капете.

Што доколку добиете инфекција?

Зависно од инфекцијата, можеби ќе ви биде потребен антибиотик препишан од доктор, кој ќе го комбинирате со препарати на природна база.

С. Ш. | Црнобело / фото: freepik.com, pexels.com