„Не сте грди, туку немате пари“: Инфлуенсерка открива колку троши за да изгледа совршено
„Не, Џенифер Лопез не користи маслиново масло на нејзината кожа, најверојатно има направено фејслифтинг. За да изгледам совршено, имам потрошено 10.000 долари на пластични операции и 2.500 за филери и ботокс. Трошам по 2.000 долари месечно за фризер“, открива инфлуенсерка на која ѝ е „преку глава“ од жените кои лажат дека изгледаат совршено само поради гените, вежбањето и начинот на исхрана и не признаваат дека трошат цело богатство на третмани за разубавување.
Иако на сите ни е јасно дека зад совршените фотки на Инстаграм се кријат процедури и продукти кои чинат мало богатство, поради некоја причина, настојуваме да мислиме дека нереалните стандарди за убавина се достижни и за нас, „обичните“ луѓе.
Честопати слушаме совети од познати жени и инфлуенсерки кои влеат дека нивниот добар изглед се должи на здрава исхрана, вежбање, гени и слично.
Но, факт е дека во повеќето случаи, „во игра“ се многу повеќе фактори од исхраната и физичката активност.
Сакајќи да ѝ долови на јавноста колку всушност вложуваат познатите жени и инфлуенсерките во својот изглед, Блер, која и самата е инфлуенсерка, откри колку пари троши за да биде убава.
Во видео на Инстаграм таа споделува какви сè процедури има направено за да изгледа речиси совршено.
„Не сте грди, туку немате пари. Мразам што пораснавме со познати личности кои се преправаат дека нивниот изглед и грациозното стареење се благодарение на гените.
Не, Џенифер Лопез не користи маслиново масло на нејзината кожа, најверојатно има направено фејслифтинг“, пишува во описот.
https://www.instagram.com/p/CzmjextvWy1/?hl=en
„Во обид да бидам искрена со вас, еве ги сите процедури што ги имам направено и колку чинат.
Направив операција на носот во Турција, ме чинеше 3.5000 долари. Во цената е вклучен и еден ден престој во болница. Но, не ги вклучив летовите и хотелот.
Ботокси и филери – првпат си ставив ботокс пред неколку дена, па уште не сум сигурна како ќе изгледа. Но, имам ставено филери на усните трипати.
Фарба за коса и надградба – ми се допаѓа оваа боја бидејќи прави да се чувствувам како принцеза.
Гелни нокти – ги сакам овие нокти со руски маникир бидејќи забележав дека ми траат околу шест недели. Многу се скапи и маникирот и педикирот траат четири часа, но вреди.
Личен тренер – почнав да гледам резултати во теретана со личен тренер…“, стои во описот
Во видеото, пак, таа открива дека има дадено околу 10,000 долари за пластични операции на носот и градите и 2.500 долари за ботокс и филери.
Троши околу 2.000 долари месечно на фризер, 300 долари месечно за маникир и педикир, како и 100 долари за еден тренинг со личен тренер.
Погледнете го видеото ТУКА.
Спирова С. | Црнобело
Би можело да ве интересира:
Препорачуваме
Најчитани неделава
