Мајка е мета на критики откако ѝ ставила обетки на ќерката 2 дена по раѓањето (фото+видео)

„Обетките ѝ ги ставија лекарите, на вториот ден по раѓањето, таа не почувствува никаква болка“ – тврди мајката која наиде на критики откако објави видео од својата ќерка. Дали е во ред да се ставаат обетки на толку мало бебе?

За ставањето обетки на малите девојчиња постојат подвоени мислења. Додека едни сметаат дека е подобро да се почека детето да биде доволно возрасно и само да изрази желба доколку сака да носи обетки, други тоа го прават уште додека нивните деца се бебиња.

Така Џулија Тика (24) од Романија наиде на голем број критики откако објави видео од нејзината новородена ќерка.

https://www.instagram.com/p/CeOBROlKMDR/?utm_source=ig_web_copy_link

Мајката сакаше да покаже дека нејзиното девојче се родило со бујна коса и дека таа коса не паднала во наредните четири месеци како што многумина веруваат, а нејзините следбеници, освен што ја обвинија дека користи филтери на видеото, почнаа да ја критикуваат за еден друг детаљ.

https://www.instagram.com/p/CZGw2kvKJIF/?utm_source=ig_web_copy_link

Имено, на многумина им пречеше тоа што малата Лара уште во болничкото креветче, на вториот ден по раѓањето носи обетки.

„Дали е нормално да му ставиш обетки на толку мало бебе, Зошто не си почекала таа да порасне и да ти каже дека сака обетки, Како мајка јас сум против обетките... Тоа е нејзино тело и таа самата треба да одлучи дали сака да носи... Сепак, бебето е преубаво“ – ова се само дел од коментарите што се најдоа под видеото.

Сепак, мајката одлучи да им одговори на сите критичари и ја оправда сопствената одлука.

„Кога имаат 2 или 3 дена не ја чувствуваат болката, како што ја чувствуваат кога имаат 2 или 3 години. Ушите им ги дупнуваат лекарите во болница, непосредно по раѓањето. Тогаш увото е многу помеко и не чувствуваат болка. Воопшто немаше никаква реакција“ – тврди мајката и додава дека тоа обично се прави на вториот или третиот ден по раѓањето.

Други следбеници, пак, не сфаќаа зошто толку голема врева се крева за обетките. Тврдат дека и самите добиле обетки кога биле бебиња и не се сеќаваат на ништо.

Што мислите вие, во ред ли е на бебињата да им се ставаат обетки веднаш по раѓањето?

Дали треба да се мисли само на болката или пак треба да се земат предвид и другите фактори: дека обетките се ситни и некогаш може да паднат, дека може да се закачат на облеката на бебенцето и на крај дека децата треба сами да одлучат дали и кога сакаат да носат обетки?

Погледнете го видеото:

@laraticaofficial ??? ???? ???? ??? ???? ???????? ??? ????? ???? ????? #foryou ♬ In The Stars - Benson Boone

 Б. С. Б. | Црнобело