„Моите синови 1 месец беа без ТВ, таблети и телефони – Какви промени забележав кај нив?“
„Животот ни стана многу полесен како родители“ – вели овој татко од САД, кој одлучил еден месец да им забрани на неговите синови да поминуваат време пред монитори. Кои промени ги забележал кај своите деца веќе по првите 30 дена?
Сите знаеме дека долгото време поминато пред екрани им штети на децата, па може да доведе и до сериозни нарушувања како што е екранизмот, но се чини дека малкумина успеваат да останат доследни во одлуката целосно да ја забранат употребата на електронски уреди во домот.
Често ни се чини дека е многу полесно да им го дадеме уредот, за да можеме да ги завршиме обврските, отколку да се справуваме со дете што самото не знае што да прави со себе без телефон или таблет.
Така, еден татко од САД, одлучил да направи експеримент и на своите 4 сина еден месец целосно им забранил да поминуваат време пред екрани.
Во објава на Инстаграм, таткото, Фил Мекензи, појаснува кои се клучните промени што ги забележал кај нив по овој период.
„Никогаш не верувавме дека ќе бидеме во можност да опстанеме без екрани, но преживеавме 30 дена така и сфативме неколку работи.
Ова ни ги направи животот како родители многу полесен.
Сега знаеме дека ја донесовме најдобрата можна одлука“ – нагласува тој.
Во продолжение проследете ги клучните промени што ги забележал тој:
Децата почнаа сè помалку да се расправаат и многу повеќе да си играат заедно. Тие се зближија уште повеќе и се сакаат повеќе од претходно.
Нивната имагинација и креативност стана експлозивна. Опседнати сме со тоа да видиме каква игра ќе измислат нивните мали мозочиња следниот ден.
Сакаат многу повеќе да си играат со нивните играчки и поминуваат многу повеќе време во игра. Во минатото им стануваше здодевно по 2 минути, дури и со нови играчки. Сега си играат многу подолго и тоа е неверојатно.
Сега е многу полесно да ги натераме да излезат од дома. Во минатото секое излегување беше борба, затоа што нè молеа да останат дома и да гледаат телевизија уште 5 минути. Сега се подготвени за излегување веднаш.
Конечно седнуваат да јадат. Во минатото постојано нешто друго им го одземаше вниманието, одбиваа да јадат и никогаш не сакаа да седат мирни. Уживаме во деновите кога можеме да седнеме како семејство.
Децата имаат многу помалку тантруми. Сè уште ги имаат, но значително се намалени.
Сега редовно читаме приказни. Во минатото тоа воопшто не сакаа да го прават.
Погледнете го во продолжение видеото:
Б. С. Б. | Црнобело
Би можело да ве интересира:
Препорачуваме
Најчитани неделава
