„Бев во Неи Пори овој јуни 2023, лежалка со кафе е 5 евра, морето е уште студено, но едно селце кое го видов е магично“

„Пријатно бев изненадена од ниската цена на вилата во која во престојував, од неверојатно широката песочна плажа и најмагичното селце кое го видов во близина, но многу долго време е плитко кога влегувате во вода, а има и комарци... Сепак, Неи Пори ми беше вистински избор за релаксиран одмор во јуни.“

Доколку се двоумите за викенд во Грција овој јуни, а сакате да поминете со помалку средства, тогаш Неи Пори е добар избор, особено за оние со деца.

Јас на почетокот од јуни така се спасив од скопското променливо време и рутината.

Плажата е огромна, широка, песочна, а лежалка со кафе ќе ве чини 5 евра.

Морето е уште студено, но се бањаат многу луѓе, од најмлади до најстари.

На почетокот од јуни само првите неколку редови лежалки беа полни и тоа во најголем дел со пензионери и родители со мали деца.

Температурата беше совршена за на плажа, пријатна со малку ветерче, па дури и одлична за сончање.

Гиро пита, комплет со цацики сос, ќе ве чини 4 евра, пица на плажа 10 евра, а пиво 5/6 евра.

Сместувањето започнува од 25 евра од соба во вила, па нагоре. Поексклузивните вили се околу 80 евра за ноќевање за двајца.

За 3 евра можете да си направите панорамски разглед на Платамона со отворено вовче, а ако одлучите да се симнете таму, тогаш ќе ве чини уште 3 евра за враќање назад.

Доколку имате автомобил на располагање тогаш посетете го византискиот замок во Платамона, од каде има одличен поглед кон целиот олимписки регион. Карта чини 3 евра и нема воопшто турканици.

Пред замокот има каде да паркирате.

Продолжува на следната страница...