Најубавите плажи во светот и Европа за 2023 година – Грција е лидер од регионот

Според мислењето на новинари, блогери и инфлуенсери кои го пропатувале светот, во Грција се наоѓаат дури три од најубавите плажи во светот. Кои други земји од регионот се најдоа на листата за 2023-та?

Како што кажува неговото име, веб-сајтот The World’s 50 Best Beaches веќе неколку години по ред објавува листа со 50-те најубави плажи во светот.

За да ја направат листата, од сајтот се консултираат со над 750 новинари, уредници, блогери, инфлуенсери и туристички агенции, односно експерти кои го пропатувале светот.

Овие експерти самите номинираат плажи и гласаат.

На листата за 2023 година се најдоа и плажи од Грција, Хрватска и Турција.

Грција води со три плажи – Navagio, Myrtos и Balos.

Од Хрватска, на листата се наоѓа плажата Pasjaca, а од Турција – плажата Kaputas.

Целосната листа можете да ја погледнете ТУКА.

На сајтот е објавена и листа со 50-те најдобри плажи во Европа.

Од околните земји, Грција повторно доминира со седум плажи на листата – Myrtos, Balos, Elafonissi, Porto Katsiki, Red, Seychelles, Sarakiniko.

Следна е Хрватска со четири плажи – Pasjaca, Betina Cave, Podrace, Zlatni Rat.

Потоа следи Турција со три плажи – Kaputas, Kelebekler Vadisi, Oludeniz.

На листата се наоѓа и црногорската плажа Sveti Stefan како и албанската плажа Gjipe.

Целосната листа можете да ја погледнете ТУКА.

Спирова С. | Црнобело