Тејлор Свифт во новиот спот носи фустан од Македонец – Белата венчаница е дело на Тони Матичевски
Со помош на креацијата на нашиот Тони Матичевски и шминката, Тејлор Свифт во најновиот спот ѝ оддаде почит на една од иконите на немите филмови. Погледнете ја креацијата на македонскиот дизајнер што пејачката ја носи во новиот спот.
Во петокот (19.04) светски познатата пејачка Тејлор Свифт го објави нејзиниот нов албум насловен The Tortured Poets Department, кој веднаш стана хит.
Таа истиот ден го објави и видеоспотот за првата песна од албумот, насловена Forthnight, за која се верува дека е осврт на петгодишната врска со британскиот актер Џо Алвин, со кого раскина минатата година.
Освен со стиховите на песната, Тејлор привлече внимание и со креациите што ги носи на себе, а потсетуваат на викторијанската ера.
Освен црниот „фустан за жалење“, Тејлор на себе носи и бел фустан што потсетува на венчаница, а која е дело на Македонецот Тони Матичевски.
„Го поздравувам излегувањето на албумот Tortured Poets Deparment.
Првата песна Fortnight на неверојатната Тејлор Свифт e исклучително музичко, светско дело и вредеше да се биде дел од него.
Ви благодарам на сите што ме вклучивте“ – напиша тој до фотките од фустанот.
Инаку се верува дека со овој стајлинг Тејлор ѝ оддава почит на ѕвездата на немите филмови од 20-тите години Клара Боу (со тенките веѓи, зачадената шминка на очите и смелиот кармин).
Се верува дека на овој начин Тејлор сакала да им оддаде почит на сите уметници од минатото кои биле мошне популарни, но постојано биле застапени во таблоидите заради нивното потекло или романтичните врски – нешто што на Тејлор ѝ е добро познато.
Актерката Клара Боу
Инаку, дизајнерот Тони Матичевски е роден во Австралија, а има македонско потекло. Тој со години соработува со светските ѕвезди.
Досега негови креации носеле Ева Лонгорија, Кетрин Зита Џонс, Кара Делевињ…
Погледнете го во продолжение спотот на најновата песна на Тејлор:
Прочитајте и Сите „одмазднички“ песни на Тејлор Свифт - Кои беа нејзините дечковци и кои песни им ги посвети?
Б. С. Б. | Црнобело
Би можело да ве интересира:
Препорачуваме
Најчитани неделава
