Американка исмеана затоа што промовира правило за среќен брак: „Кој може да си го дозволи ова?“
„На секои 7 дена одиме на состанок, на секои 7 недели…“ Лајфкоуч од САД призна дека со сопругот се придржуваат до познато правило за среќен брак, но нејзиното видео не наиде на очекуваниот одговор. Изводливо ли е ова правило во наши услови?
На социјалните мрежи во последните неколку месеци масовно се споделува правилото 7-7-7 кое многумина го сметаат за рецепт за успешен брак и кое може да им помогне на паровите да создадат поголем баланс во меѓусебниот однос.
На Инстаграм масовно се споделува видеото на лајфкоучот Анастасија Дејвис, која зборува за ова правило и вели дека ова во голема мера ѝ помогнало да го одржи бракот со сопругот.
Правилото 7-7-7 е всушност мошне едноставно. Тоа значи дека на секои 7 дена одите на состанок со партнерот, на секои 7 недели одите некаде на една ноќ и на секои 7 месеци да одите на одмор без деца.
„Значи, секои седум дена ние одиме на евтин мини состанок, што не мора да биде скап. На секои седум недели одиме на 24-часовен состанок, а тоа може да биде некоја мини авантура.
Целта е да добиете време за авантура, а не животот да ви се состои од одење на лекар и завршување обврски. Потоа, на секои 7 месеци одиме на мал одмор, подалеку од децата.
Новите искуства, плус физичкиот допир, драматично го зголемуваат нивото на допамин и окситоцин, кои ја зголемуваат привлечноста, довербата…“ – вели Анастасија Дејвис.
Иако нејзината изјава беше поздравена од голем број следбеници и масовно се споделува на социјалните мрежи, има и такви што не се согласуваат со неа, па во коментарите ѝ напишаа.
„Јас и мојата бивша партнерка имавме 5-5-5 правило. На секои 5 минути ми кажуваше по 5 работи што сум ги направил погрешно во последните 5 години“;
„Одлично е ако можеш да си дозволиш дадилки“;
„Кој може да си го дозволи ова“;
„Идеално, но не е остварливо“;
„Дали ние сите сме милионери во оваа твоја фантазија?“;
„Не, ќе си одиме на состаноци кога ќе имаме време за тоа. И ќе си ги носиме децата на убави одмори со нас, затоа што имаме уште само неколку години додека да си заминат од дома“ – стои во дел од коментарите.
Инаку, ова правило веќе со години наназад кружи на социјалните мрежи и не се знае точно кој прв почнал да го предлага. Но, факт е дека голем број психолози и животни тренери го препорачуваат.
Што мислите вие? Изводливо ли е ова правило за среќен брак?
Б. С. Б. | Црнобело
Би можело да ве интересира:
Препорачуваме
Најчитани неделава
