Експерт за секс и врски советува: Дали треба да му кажете на партнерот дека глумите оргазам? (18+)

Глумењето оргазам е вообичаено во сексуалните односи и тоа е нешто што многу луѓе го направиле во одреден момент. Меѓутоа, дали треба да му кажете на вашиот партнер дека сте одглумиле оргазам?

Од една страна, добро е да бидете искрени за вашите сексуални искуства и потреби, за да имате здрава и долговечна врска.

Ако сте глумеле оргазам со вашиот партнер, тоа може да биде знак дека не сте целосно задоволни со вашиот сексуален живот или дека има проблеми во комуникацијата коишто треба да ги решите.

Разговорот во кој ќе му кажете на партнерот дека сте одглумиле оргазам, може да биде мошне тежок, но тоа истовремено ќе биде и можност да работите заедно за да ги подобрите вашите сексуални искуства.

Со тоа што ќе бидете искрени за вашите потреби и желби, можете да работите со вашиот партнер за да истражувате нови начини на доживување задоволство и интимност.

Експертот за секс и врски, Нес Купер, за британскиот весник Metro вели дека сè зависи од причината заради која лажете.

„Ако глумите оргазам поради сексуални потешкотии или проблеми во вашите односи, зборувањето за тоа може да ви помогне заедно да најдете решение. Но, има жени што се чувствуваат среќни, можеби дури и уживаат да го покажат талентот за глумење оргазам.

Исто така, сексот или мастурбацијата не мора да вклучуваат оргазми, а поради минатото образование и општествените очекувања, многумина од нас се држат на лажно верување дека оргазмот го дефинира и завршува сексот“ - вели таа.

Меѓутоа, ако глумењето оргазам е нешто од кое сакате да се оддалечите и да престанете, Нес има неколку совети.

„Ако глумите оргазам и сакате да разговарате за тоа со вашиот партнер, не обвинувајте го, тој едноставно можеби нема добри техники за секс.

Едуцирајте го со разговори за тоа како да ви пружи поголемо сексуално уживање, па дури и покажете методи и техники што ги претпочитате кога станува збор за самозадоволство и постигнување оргазам.

Ако глумите оргазам само кога имате секс со партнерот, разговарајте за вклучување сексуални играчки кои може да ви помогнат и да ве доведат до подобри или почести оргазми…

Вашиот партнер може да биде збунет и несигурен за својата сексуална способност, но уверете го дека сето тоа е само дел од едукацијата како функционираат телата и како партнерите уживаат во сексот.

На некои може да им се намали самодовербата, поради тоа што предизвикувањето оргазам општеството го гледа како знак на мажественост и како составен дел од тоа да се биде „маж“.“

Важно е да се земат предвид потенцијалните последици ако му кажете на партнерот дека сте глумеле оргазам.

За некои луѓе, слушањето на оваа вест може да доведе до чувство на несигурност.

Важно е да му пристапите на разговорот со чувствителност и да се фокусирате на пронаоѓање решенија што ќе функционираат и за двајцата партнери.

M. Г. | Црнобело / фото: freepik.com