Причината поради која на работа ми беше ужасно и си дадов отказ

„Навистина работев премногу, а бев платена премалку.“ „Одлучив дека е време да се погрижам за моето ментално здравје.“

Си ја сакате ли работата? Сте собрале ли храброст досега да си дадете отказ од некое работно место?

Луѓе на Reddit споделуваат искуства зошто си дале отказ:

„По 7 години работа на исто место си дадов отказ. Компанијата беше лошо организирана, работев работа најмалку за тројца различни луѓе и се чувствував многу потценето. Еден ден ми дојде преку глава и дадов отказ.“

„Мојата работа беше здодевна, но добро платена. Поради пандемијата работевме долго време од дома, потоа ни рекоа дека се враќаме во канцеларија, но јас сфатив дека ми е поубаво да работам од дома и останаа глуви за моето барање. Така одлучив да дадам отказ и да си најдам друга работа која ќе можам да ја работам од дома.“

„Почнав да си барам нова работа само поради мојот шеф. Буквално од првиот ден на работното место не го поднесувам.“

„Затоа што работев навистина напорна физичка работа. Келнерка со доооолги работни часови, треба ли да кажам повеќе?“

„Си дадов отказ откако со пандемијата се освестив дека животот е прекраток за секој ден да минувам 8 часа во канцеларија, 5 пати неделно работејќи работа што не ме исполнува.

Работата не ми беше ужасна, но чувствував дека не е значајна. Чувствував дека не влијаам позитивно врз светот на никаков начин, а длабоко во себе сакав да направам промена.“

„Директорот ми беше ужасен и ги унапредуваше новите неискусни вработени само затоа што почнуваа да спијат со него. Ми се смачи, си дадов отказ.“

„Навистина работев премногу, а бев платена премалку.“

„Одлучив дека е време да се погрижам за моето ментално здравје. Конечно фокусот да биде на мене.“

С. С. | Црнобело