Хотели, образование: Луѓе споделуваат (мрачни) тајни од своето работно место

Вработен во хотел: „Јас работам во хотел и мора да ви признаам дека не ја перат постелнината, освен ако не е многу извалкана“.

Дали и вие имате некоја тајна од вашата професија која не ја споделувате со другите? Постои ли нешто што ве мачи?

Луѓе на Редит одговараат на прашањето „Која е тајната од мојата професија што јавноста не ја знае?“.

Се разбира, тука станува збор за конкретно работно место и не значи дека сите компании од тој тип функционираат на ист начин.

Дел од нивните исповеди:

Вработен во хотел

„Јас работам во хотел и мора да ви признаам дека не ја перат постелнината освен ако не е многу извалкана. Навистина ме згрозува ова и кога одам и по други хотели си земам моја постелнина, но верувам дека не е секаде така“.

Вработен во издаваштво

„Работам како издавач на книги и искрено да ви кажам освен ако немате голема публика на социјалните мрежи, шансите дека ќе ве објави некоја голема издавачка куќа се мали.

Шансите да заработите пари од таа книга се уште помали. Издаваштвото е 95% фокусирано на правење пари, а само 5% на објавување на вистински квалитетни книги“.

Вработен во полиција

„Порано бев полициски службеник и имавме непишано правило дека мора да имаме голема стапка на апсења, тоа беше доказ дека работиме“.

Вработен во образование

„Работам како професор и навистина сакам фер оценување, но луѓето постојано фаќаат врски, притисокот е преголем врз мене и постојат студените кои незаслужено го положиле мојот предмет“.

Вработен во институција за ментално здравје

„Работев во приватна институција за ментално здравје и сè се вртеше околу парите и имиџот. Менаџментот повеќе се интересираше да заработи, отколку вистински да им помогне на луѓето“.

С. С. | Црнобело / фото: depositphotos.com