6 тајни за вашата работа, кои шефот не сака да ги знаете (а треба)

Надредените знаат многу за вашата онлајн активност на компјутерот на работа, имаат миленици помеѓу вработените иако не признаваат, а унапредувањето не секогаш значи дека е добро да го прифатите - неколку тајни кои шефот нема да ви ги открие, а добро е да ги знаете. 

Работната околина и условите се разликуваат зависно од тоа каде работите и факт е дека не во секоја компанија важат истите правила и начин на работа. 

Но, сепак добро е да бидете добро запознаени со случувањата и начинот на функционирање во деловниот свет. 

Можеби шефовите никогаш нема да ви откријат некои работи, но освен основните правила за однесување, време е да се запознаете и со неколку други „тајни“ кои никој нема да ви ги каже при вработување. 

Ви откриваме неколку кариерни „тајни“ кои е добро да ги знаете: 

Не брзајте да го прифатите унапредувањето

Можеби е во бранша која не сакате да ја работите, можеби не е доволно платено, а ќе имате куп повеќе обврски, можеби работните обврски се здодевни – не секое унапредување значи дека е подобро за вас, па пред веднаш да кажете дека прифаќате, прво распрашајте се и размислете дали го сакате навистина.

Вработените од ИТ секторот во компанијата веројатно знаат многу за вашата онлајн активност и што правите на компјутерот

Ова е зависно од компанијата во која работите и интересот на надлежните, но добро е да знаете дека доколку сакаат, можат да го следат секој ваш чекор онлајн, независно дали е пребарување на Интернет, мејлови или други активности на компјутерот.

Вашиот шеф има „миленици“ помеѓу вработените, независно што вели дека сите ги гледа исто

Сепак, тоа не значи дека мора да се „тепате“ и натпреварувате со некого, или дека вашата позиција е во опасност ако не сте најдобар пријател со шефот. Но, дефинитивно може да фаворизира.

Доаѓање на време значи 10-15 минути порано

Ако дојдете малку порано пред работното време, ќе имате време да се организирате, да си направите кафе, да се подготвите за работа без стрес и ќе бидете поценети.

Размислете за решенија пред да спомнете проблем

Ако одите кај шефот или надредените со некаков проблем, обидете да се да имате барем некакво предлог решение.

Не мора да значи дека ќе биде прифатено, но можеби и ќе бидете ѕвезда-спасувач на ситуацијата.

Потсвесно, тој ќе го очекува тоа и ќе го цени вашиот напор да се обидете да го решите проблемот, наместо само да чекате на готово. 

Бидете искрени за вашите грешки

Понекогаш, шефовите и надредените ги забележуваат вашите грешки и без вие да знаете, но чекаат да видат дали ќе ги признаете и како ќе ги претставите.

Нема да ви кажат дека го очекуваат тоа, но ако постапите правилно, дефинитивно ќе ја ценат вашата искреност и покрај грешката. Така создавате доверба.

 М. М. | Црнобело