Знаци дека е време да си дадете отказ (и да најдете нова работа)

Едвај станувате наутро и воопшто не можете да се замислите на истата позиција во блиска иднина.

Многу често, луѓето кои не се задоволни од своето работно место сепак не бараат нешто ново.

Зa ова, секако, има и оправдани причини, како загриженост од тоа дали ќе најдат нешто соодветно за нив или, пак, стабилно.

Но, некогаш вреди и да ризикувате, особено ако некој период се чувствувате мизерно на работа.

Неколку знаци дека е време да си дадете отказ:

Не се чувствувате сигурно

Ако честопати стравувате за вашата позиција, без разлика што сте добри во својата работа, тоа е знак дека треба да најдете нешто постабилно.

Не сте мотивирани да научите нешто ново

Сите треба да се надградуваме, но ако веќе немате мотивација да научите што било поврзано со вашата работа, можеби е време да ја напуштите.

Не им верувате на колегите и надредените

Ако имате колеги кои озборуваат или се подготвени да ве згазат за да успеат, вие немате соработка во канцеларијата.

Па, ова е токсична средина и не треба да останувате таму.

Едвај станувате наутро

Ако првата помисла наутро ви е дека не ви се оди на работа и ова трае подолг период, тогаш е време да почнете да барате нова работа.

Не можете да си ja вршите работата како што треба

Ако надредените не ви обезбедуваат соодветна опрема, услови и слично за да си ја вршите работата како што треба, тогаш не вреди да вложувате труд и време таму.

Опкружени сте со луѓе кои имаат многу поразлични вредности од вашите

Не можете да очекувате да бидете блиски со сите колеги.

Но, бидејќи минувате голем дел од времето на работа, важно е да бидете опкружени со луѓе кои главно имаат исти вредности како вас.

Не можете да се замислите на истата позиција во иднина

Размислете дали се гледате во истата компанија во блиска иднина.

Ако одговорот е не, тоа е знак дека треба да почнете да размислувате за промена.

Спирова С. | Црнобело