5 работи кои можеш да ги правиш додека си дома, а ќе ти помогнат во работата

Иако колку повеќе сме дома, толку повеќе филмови и серии настојуваме да изгледаме, не мора да стагнирате на поле работа.

Седењето дома може да ви биде одлична шанса да се надградите, ако тоа го сакате.

Изговорот немам време повеќе не важи, а ова се 5 активности кои може да ве извадат од мрзеливиот период во кој сте западнати и воедно да се покажат како корисни во работата во иднина:

1. Освежете ги информациите на социјалните мрежи

Ова е идеално време да се посветите на некои рутински работи за кои претходно немавте ни минута. На пример, освежување на CV-то и онлајн профилите поврзaни со работа. Прилагодете ги и фотографиите.

2. Учете онлајн

Запишете онлајн курсеви за работите за кои никогаш не најдовте време, а сакавте да ги знаете. Стекнете нови вештини и знаења кои кога ќе се вратите на работа ќе ви се најдат од помош.

3. Започнете свој блог или профил на социјалните мрежи

Денес социјалните мрежи се најлесниот начин да се пробиете во она што сте добри. Па, од каде да знаете, можеби токму сега ќе ги поставите темелите за сопствен бизнис во иднина.

4. Започнете некој проект од задоволство

Не мора да е тесно поврзан со вашата кариера. Истражете нови опции. Видете што ве привлекува, што ве тера да работите повеќе и со помалку напор. Ништо не губите.

5. Читајте бизнис книги

Учењето низ книгата е еден продуктивен, а сепак опуштачки начин на кој можете да го проширите знаењето.

М. Д. | Црнобело