Кога ќе погрешиш нешто - немаш поим, кога шефот ќе погреши - тој е само човек - која е разликата?

Многумина се благословен со добри шефови кои имаат разбирање за вработените, шефови од коишто може да (на)учат, вистински ментори поради кои имаат шанси да напредуваат во кариерата.

Добар дел, пак, имаат кошмари од нивните шефови бидејќи претпоставените им се луѓе коишто им го загорчуваат животот во секој аспект, професионален и приватен.

Овој хумористичен, но и прилично вистинит текст, се обидува да ја долови разликата помеѓу вас и шефот. Во колку работи успеавте да се пронајдете?

Кога работиш подолго од предвиденото, тогаш си бавен.

Кога твојот шеф работи побавно, тој е темелен.

Кога нешто нема да си сработиш, ти си мрзелив.

Кога твојот шеф нема да сработи ништо, тој е презафатен.

Кога ќе погрешиш, ти немаш поим.

Кога твојот шеф ќе погреши нешто–тој е само човек.

Кога ќе направиш нешто на своја рака, си ги пречекорил овластувањата.

Кога твојот шеф ќе го направи истото, тоа се нарекува иницијатива.

Кога се држиш до својот став, тогаш си тврдоглав.

Кога твојот шеф го прави тоа, тој е цврст и доследен.

Кога не си на работното место, тогаш губиш време.

Кога твојот шеф не е на работното место, тој работи.

(О)Милена | Црнобело