Кога сте “прегореле“ на работа

Мислите дека никогаш не сте го доживелае така наречениот професионален „burnout“? Размислете за следната статистика: дури 77% од луѓето изјавиле...

 

...дека се чувствуваат исцрпено и „пукаат“ заради  својата работа, 19%  работат и преку викенд, а 44% и дома размислуваат за работата и довршуваат некои заостанати работни задачи.

Последиците од стресот и прекумерната работа можат сериозно да влијаат на здравјето, па токму затоа не треба да ги потценуваме сигналите кои ни ги испраќа нашето тело.

Прекумерна работа може да предизвика пад на имунитетот, појава на мигрена, проблеми со варењето на храната, кожни заболувања, висок крвен притисок и срцеви заболувања.

Професионалниот „burnout“ се јавува како одговор на стресот, а последиците се чувствуваат во вид на беспомошност, безнадежност и фрустрација.

Важно е да се знае дека за вакво професионално „прегорување“ потребен е подолг временски период, па затоа е нужно да се препознаат неговите први сигнали.

Затоа еве дел од нив:

1. Колегите во ваша близина се крајно внимателни

Доколку сте константно незадоволни и лути, а вашите колеги се крајно внимателни во ваша близина, најверојатно не станува збор за минлив проблем. Вам очајно ви е потребен одмор и релаксација.

2. Доцните на работа и постојано гледате во часовникот

Порано го започнувавте работниот ден работа полни со елан и желба за нови работни задачи.

Сега едвај станувате од кревет, на работа заминувате со чуство на мачнина во желудникот, а некаде околу пладне почнувате очајно да гледате во часовникот и со нетрпение го чекате моментот кога ќе заминете дома.

Вие буквално ги броите минутите до крајот на работниот ден.

3. Апатија наместо ентузијазам

Не сте мотивирани и немате никава желба за нови професионални предизвици или достигнувања.

4. Се' помалку се дружите со колегите

Ручек со колегите некогаш ви беше задоволство и со насмевка на лицето заминувавте заедно на пијалок или неформално дружење. Сега воопшто немате желба за дружење ниту во текот на работниот ден, а уште помалку потоа.

5. Чувствувате физичка болка

Постојано се чувствувате исцрпени, имете константни главоболки, чувствувате напнатост и имате проблеми со спиењето.

Ова се првите физички знаци кои ве предупредуваат дека стресот на работа може да предизвика сериозни физички и психички проблеми.

Доколку ги имате овие симптоми, време е за промена. Поразговарајте со својот претпоставен и обидете се дел од својата работа да делегирате на некој друг или пак да одложите некои работни задачи за подоцна.

За крај еве уште неколку проактивни чекори кои морате да ги превземете доколку сте под постојан стрес, а сакате да го сочувате своето здравје:

• Научете понекогаш да и кажете „не“ на работата.
• Редефинирајте ги своите животни цел.
• Намалете ги своите професионални обврски, но исто така и приватните.
• Одмарајте се секојдневно и јадете здрава храна.
• Земете одмор и дајте му можност на своето тело да се одмори и наполни со енергија.