10 најдобри совети на поле кариера (кои секој работник треба да ги примени)

Појавувајте се рано – на работното место, на состанок, буквално секаде, така ќе бидете подготвени за исполнување на задачите и сериозно сфатени.

Дали сте од оние работници кои постојано бараат нов предизвик, сакаат раст и развој и не се задоволуваат со ништо помалку од тоа да бидат најдобри или, пак, сте од оние кои само одат на работа колку да одработат за да земат плата и по можност да поминат по полесниот пат?

Ако сте во првата група – секоја чест! Ако сте во втората – тогаш оваа листа на совети за поле кариера дефинитивно ќе ви послужи.

Совети на поле кариера (кои секој работник треба да ги примени):

Излегувајте од зоната на комфорот – пробувајте нови работи, растете и подготвувајте се за нови и позначајни функции.

Запознавајте нови луѓе – запомнете дека секоја личност вреди да ѝ посветите време, затоа што ќе научите нешто од неа.

Појавувајте се рано – на работното место, на состанок, буквално секаде, така ќе бидете подготвени за исполнување на задачите и сериозно сфатени.

Учете постојано – без разлика во која фаза од кариерата сте, секогаш е добро време за обука и нови вештини.

Еднаш годишно испитајте каде сте на поле кариера – колкава ви е платата, можностите и направете стратешки одлуки за напредок.

Барајте фидбек од претпоставените – секоја критика, добра или лоша, ќе ви помогне во растот и развојот.

Бидете упорни и истрајни – потребно е време за да станете најдобри во областа во која работите и за луѓето да слушнат за вас.

Одржувајте ги ветувањата – ако на работа дадовте збор дека некоја задача ќе ја исполните, тогаш не смирувајте се додека не го направите тоа.

Поставувајте прашања и бидете љубопитни – црпете знаење и постојано бидете во процес на учење од поискусните колеги или претпоставените.

Зборувајте, споделувајте мисли и идеи – слободно изразувајте мислења на професионален план, така само позитивно ќе влијаете на компанијата од која сте дел.

С. С. | Црнобело