7 причини зошто треба да почнете да пешачите секое утро

Утринската прошетка ќе ве расони, ќе ви помогне да го согорите вишокот масти, а може и да ве направи попродуктивни.

Ако обично немате време за цел тренинг, можете да направите голема разлика ако почнете да пешачите наутро.

Доволно е да одвоите околу половина час за прошетка, а доколку немате толку време, можете да почнете да одите пеш на работа.

Неколку причини зошто е добро да пешачите секое утро:

Кратката прошетка наутро ја подобрува концентрацијата

Бројни истражувања покажале дека утринската прошетка може да ја подобри концентрацијата и да ви го подготви мозокот за претстојниот работен ден.

Прошетката пред појадок ќе ви помогне да ослабите побрзо

Истражување од 2017 година покажало дека мажите со прекумерна тежина ослабеле побрзо кога пешачеле околу еден час пред оброк, за разлика од мажите кои вежбале по оброкот.

Поново истражување од 2020-та добило исти резултати – испитаниците кои пешачеле пред појадок побрзо ги постигнувале резултатите за разлика од оние кои вежбале отпосле.

Вежбањето наутро го подобрува квалитетот на сонот

Ако имате проблеми со несоница, пробајте да пешачите наутро. Според некои истражувања, утринската физичка активност може да го регулира спиењето.

Од друга страна, вежбањето доцна навечер може да го има спротивниот ефект, па избегнувајте да вежбате неколку часа пред спиење.

Прошетката во кој било дел од денот го намалува ризикот од проблеми со срцето

Истражувањата одново и одново покажуваат дека прошетката, без разлика во кој дел од денот, може драстично да го намали ризикот од проблеми со срцето.

Шетањето, па и брзото одење, ја подобруваат циркулацијата и го намалуваат крвниот притисок.

Утринската прошетка ја зголемува продуктивноста

Утринската прошетка може да ве расони подобро од кафе. А, бидејќи ќе се чувствувате подобро и посвежо, ќе бидете и попродуктивни.

Ќе го согорите вишокот масти

Ако наутро, пред појадок одите на прошетка, ќе му помогнете на организмот да го согори вишокот масти.

Бидејќи во телото ќе нема нови калории, за време на прошетката пред појадокот ќе почнат да се согоруваат складираните масти. Со ова ќе се забрза и процесот на слабеење. 

По утринската прошетка, телото ќе продолжи да согорува калории

Кога ќе завршите со прошетката, телото ќе продолжи да согорува калории.

Ова значи и дека телото ќе согори повеќе калории од вашиот појадок од вообичаено.

Притоа препорачливо е да јадете околу половина час по прошетката, но и да се напиете вода пред да почнете со неа.

Спирова С. | Црнобело