Фитнес грешки што речиси сите ги прават со најпопуларните вежби

Ако сакате да ги зајакнете мускулите, да се ослободите од вишокот килограми или само сакате да го подобрите здравјето, вежбањето е секогаш одличен избор. Но во овој случај, многу е важно и правило да ги изведувате вежбите.

Ако правите грешки, како искривување на грбот, не само што ја намалувате ефикасноста на вежбите, туку го зголемувате и ризикот од повреди.

Па, погледнете кои се најчестите грешки кај најпопуларните вежби, но и како да ги изведете правилно:

Ја влечете главата кога правите стомачни

Немојте да ја влечете главата со рацете и да го виткате вратот додека правите стомачни. Горниот дел од телото треба да го кренете со помош на стомачните мускули, а притоа грбот и вратот да ви бидат исправени.

Во спротивно ја намалувате ефикасноста на вежбата и го зголемувате ризикот од повреди.

Ги кревате стапалата кога правите мост

Оваа вежба е одлична за задникот, но за да ја изведете правилно, немојте да ги поткренувате стапалата од подот.

Наместо тоа, притискајте со целото стапало на подот додека го кревате задникот.

Ги собирате колената кога правите чучнувања

Многу е важно како ќе ги поставите клекната кога правите чучнувања.

Немојте да ги доближувате едно до друго, туку осигурете се дека се во иста линија со стапалата. Кога, пак, клекнувате, наведнете се и малку напред.

Правите склекови со раширени раце

Ако правите склекови со раширени раце, тогаш не ги изведувате правилно.

За вежбата да биде ефикасна треба да ги споите плешките, а лактите да ги поставите што е можно поблиску до телото.

Уште четири грешки на следната страница...