Колку треба да пешачите за да ослабете?

Многумина од нас се занимаваат со спорт, одат во теретана, држат диета. Сепак, низа истражувања докажуваат дека секојдневните прошетки не се ништо помалку ефикасни во борбата против вишокот килограми. 

Поминатото растојание, вашата брзина и вашата тежина се главните фактори кои влијаат на бројот на потрошени калории при одење.

За да постигнете добри резултати, мора да се придржувате до планот и да користите педометар. Секогаш носете го со вас и ова ќе ви овозможи да го пресметате вкупниот број чекори што ги правите во еден ден.

Нема потреба да купувате педометар и слободно користете го вашиот смартфон за оваа намена. 

Ако дневно поминувате големи растојанија, педометарот ќе ви помогне да пресметате колку чекори ќе ви бидат потребни за да почнете да слабеете. Овие приближни пресметки можат да ви помогнат да направите план за личен тренинг.

Имајте на ум дека многу работи зависат од карактеристиките на секој организам индивидуално, начинот на живот, исхраната, здравствената сотојба и слично.

Колку калории се согоруваат со пешачењето?

100 калории = 2.000 чекори = 1,6km

1kg = 140.000 чекори = 7,000 калории = 112km

Треба да се има предвид дека должината на чекорите варира од 40 до 100 сантиметри. За да ја дознаете должината на вашиот чекор, можете да го обележите растојанието од 10-20 метри и да го поминете истото со просечна брзина, броејќи ги чекорите.

Потоа поделете го поминато растојание во сантиметри (1.000 или 2.000) со бројот на направени чекори.

Со колкава брзина треба да се движите?

До 70 чекори во минута: Кај здравите луѓе, оваа брзина практично нема ефект. Истата се препорачува за болни луѓе и оние кои се опоравуваат од инфаркт.

71-90 чекори во минута (3-4 км на час): Се препорачува за лица со кардиоваскуларни заболувања.

91-110 чекори во минута (4-5 километри на час): Овој вид прошетка создава поголем товар на телото и е погоден за сите здрави луѓе.

111-130 чекори во минута: Одличен тренинг за телото, но ова е брзина што повеќето не би ја издржале на подолг период.

Започнете со кратка прошетка со мала брзина, постепено преминувајќи на подолго и побрзо одење. Најдобро е прво да го зголемите времетраењето на прошетката, а дури подоцна да ја зголемите брзината. Брзината и должината на пешачењето мораат да бидат соодветни на вашето здравје.

Мора да шетате редовно - еден тренинг неделно нема да ви даде позитивен резултат. Ако не сте во можност да пешачите секој ден, тогаш пешачете барем 2-3 пати неделно.

Можете да шетате во секое време од денот, но не порано од 1-1,5 часа после јадење.

Важно е да се запамети дека многу бавното одење на кратки растојанија не дава добри резултати, а премногу долгото и брзо одење може да ви наштети.

Ашера | Црнобело