5 „мрзливи“ вежби што ќе ви помогнат да се ослободите од вишокот килограми

Ако држите диета но ви изгледа како вашиот струк да не се намалува, тогаш време е да почнете со вежбање.

А, доколку немате време или едноставно, ве мрзи, имаме неколку одлични вежби за вас.

Овие едноставни пилатес вежби не само што ќе ги тонираат вашите мускули, туку можат и да го забрзаат метаболизмот. Најдоброто е што нема да ви треба никаква опрема и можете да ги изведувате во вашиот дом.

Плие

Почетна положба: Легнете на страна, свиткајте ја едната рака и ставете ја под главата. Другата рака поставете ја пред вас. Малку свиткајте ги колената, држете ги стапалата споени и стегнете го задниот.

Без да ги одвојувате стапалата, кренете го едното колено и вратете го во почетната положба. Немојте да го мрдате горниот дел од телото и не го движете вратот.

Повторувања: 15-20 повторувања на секоја страна

Ефект: Оваа вежба ги затегнува страничните стомачни мускули.

Странично истегнување

Почетна положба: Свиткајте ја едната рака и потпрете се на неа. Испружете ги нозете, кренете го трупот и поставете ја другата рака на колковите.

Спуштете го трупот до земјата, а потоа вратете се во почетната положба. Обидете се да го држите грбот исправен и не го навалувајте телото напред или назад.

Повторувања: 12-15 повторувања на секоја страна.

Ефект: Оваа вежба ги активира стомачните мускули.

Балерина

Почетна положба: Свиткајте ја едната рака и потпрете се на неа. Испружете ги нозете. Кренете ја другата рака горе и кренете го трупот.

Бавно спуштете ја кренатата рака и ставете ја под вас. Вратете се во почетната положба.

Повторувања: 12 повторувања на секоја страна.

Ефект: Ќе ги активирате стомачните мускули.

Жица

Почетна положба: Застанете на „сите 4“. Поставете ги дланките и колената на подот.

Застанете на прсти во положба планк. Обидете се да не го виткате грбот додека ги стегате стомачните. Останете во оваа положба 2-3 секунди, а потоа вратете се во почетната.

Повторувања: 15-20

Ефект: Оваа вежба ќе ги зајакне стомачните и мускулите на задникот.

Тркалање

Почетна положба: Седнете на подот со свиткани колена. Поставете ги дланките под колената и малку свиткајте го грбот.

Навалете се назад и тркалајте се на ’рбетот, до рамената. Вратете се во почетната положба.

Повторувања: 10-15

Ефект: Оваа вежба ги зајакнува стомачните и грбот и го истегнува ’рбетот.

Спирова С. | Црнобело