5 јога вежби за ефикасно слабеење

Можеби јогата не ви е омилена, но што ако со само 5 вежби и едноставни движења можете да ослабнете? Дали би пробале?

Овој сет на вежби носи многу придобивки: виткост, хармонија, опуштеност на целото тело. Но, тие помагаат и во процесот на слабеење, а ќе ве направат и поздрави.

Затоа, дури и да не сте вљубеник во јогата, практикувајте ги секојдневно (или барем 5 дена во неделата) во следните неколку месеци и ќе ги видите резултатите.

Кои јога вежби ќе ви помогнат за ефикасно да ослабете?

Свеќа (Sarvangasana)

Легнете на под, со нозете и рацете испружени покрај телото.

Потоа полека кренете ги нозете и долниот дел од телото под прав агол во однос на горниот дел.

Држете ги рацете покрај телото, со дланките свртени надолу.

Ако вашата физичка подготвеност не ви дава правилно да ја правите оваа поза, придржете ја карлицата со рацете, па ќе ви биде полесно.

Останете во оваа позиција 60 секунди. Обидете се да дишете полека и рамномерно, вдишувајќи длабоко низ носот, издишувајќи низ устата.

Плуг (Halasana)

Легнете на грб со рацете до телото и дланките свртени надолу.

Потпрете се со дланките на подот и полека кревајте ги нозете исправено кон главата.

Полека префрлете ги нозете преку главата, додека прстите не ви го допрат подот.

Ако треба, придржете ја карлицата со рацете.

Обидете се да ја задржите оваа поза 3 минути.

Куче свртено надолу (Adho Mukha Svanasana)

Застанете исправени, рацете нека ви се опуштени, а стапалата поставени во ширина на рамената.

Полека спуштете се на „сите четири“.

Поткренете ги задникот и карлицата. Доколку е потребно, можете да ги одвоите петите од подот.

Опуштете го вратот и спуштете ја главата.

Задржете ја оваа поза 60 секунди, а потоа полека вратете се на почетната позиција.

Делфин (Shishumarasana)

За да застанете во почетна положба, поставете ги нозете на ширината на рамената.

Спуштајте го телото надолу, па со рацете (делот од лактие до дланките) потпрете се на подот, со тоа што прстите ќе ви бидат испреплетени.

Кревајте ги задникот и карлицата нагоре, затегнувајќи го стомакот, а со нозете исчекорете нанапред кон телото (како на фотографијата).

Обидете се да ја направите веќбата така што стапалата ќе ви бидат спуштени на подот, а ако не можете, кренете се малку на прсти.

Останете во оваа поза 45 секунди.

Риба (Matsyasana)

Легнете на грб со свиткани колена, за стапалата да ви се на подот.

Спуштете ги рацете под себе (кај задникот), со дланките свртени надолу.

Потпрете се на лактите и подигнете го торзото, но држете го задникот на подот.

Полека спуштајте ги колената нанапред (за да ги исправите нозете) со петиците допрете го подот, а прстите испружете ги наапред (како на фотографијата).

Свиткајте го грбот наназад, исто и главата, потпирајќи се на рацете за полесно да ја задржите положбата.

Останете во таа положба 60 секунди.

А. Ј. | Црнобело