Улично посвоено маче е ѕвезда на Инстаграм – и се облекува подобро од сите нас (фото)

„Го најдовме Бенсон пред 5 години додека шеташе низ улиците во Дубаи“ - која е приказната за мачето кое има над 180.000 Инстаграм следбеници и воодушевува со своите аутфити и пози?

Тој е дефинитивно специјален мачор, а како што стои во неговиот опис на Инстаграм, Бенсон е и – џентлмен. Тој има гардеробер преполн со специјална облека која одговара на домот, сезоните, па дури и неговото расположение.

„Го најдовме Бенсон пред 5 години додека шеташе низ улиците во Дубаи. Неговото семејство се отселило и го оставило на улица, па ние го посвоивме и го донесовме во САД. Тој го сака неговиот татко и туна, многу е смирено и трпеливо маче.

Откако го посвоивме Бенсон забележавме дека секогаш кога камерата беше насочена кон него, тој престануваше да се движи и седеше мирно. Сепак, снимањето видеа со него беше отежнато, па пробавме да му ставиме очила. Бенсон ги прифати веднаш“.

Во моментот го следат над 180.000 следбеници на Инстаграм, а бројката постојано расте. И со добра причина.

Шармантниот Бенсон дефинитивно ќе ви измами насмевка на лицето, а сите сме согласни дека има подобар стил од многу други луѓе, нели?

(О)Милена | Црнобело