Да го вдомиме Борко - кучето што протестира

Борко е нашето куче - херој кое до сега нема пропуштено ниту еден протест на улиците во Скопје.

Токму заради незадоволството кое го искажува, сите мислиме дека заслужува дом и повеќе да не талка изгубен и премрзнат во сивилото на градскиот метеж.

Колите, отровите и шинтерите се уште една опасност со која Борко до сега успешно се бореше, но како што ќе старее шансите за негово заловување ќе стануваат сè поголеми.

Затоа, да му помогнеме како што тој им помага на оние кои се борат против неправдата.

Да го вдомиме во семејство кое ќе го сака, но нема да му ја одзеде слободата.

Ако сте заинтересирани за да го вдомите Борко кој е мешанче со среден раст, посетете ја Фејсбук страната и спасете го уште денес.