Како реагира кучето кога се дави неговиот сопственик?

Пријателот кој ќе скокне во вода и ќе си го ризикува животот ако види дека случајно се давите е само најдобриот пријател. Ги има и меѓу луѓето, но ретки се.

Она што е искрено, безусловно и со сета љубов, без ниту еден збор да му кажете се гледа на дело. Нема потреба да знае дали вие би го направиле истото, колку долго ве знае, дали имате други пријатели и слично.

Таква постапка, водена од природен инстинкт за помош на некој што е во неволја, уште повеќе кога тоа е пријателот со кој сте секојдневно веројатно најсилно е изразена кај кучињата.

Не е залудно кога се вели дека тие се најверните пријатели на човекот, кои дури и себе ќе се занемарат за него.

Едно такво големо дело, покажува и ова куче, кое иако е дел од шега, се покажува како вистински херој.

Додека неговиот сопственик плива во базенот, тоа само го гледа од надвор. Но, кога тој ја нурнува главата под вода, кучето помислува дека се дави и дека ќе потоне, па веднаш почнува да прета и да се труди да му помогне за да излезе.

Кога истото се случува по вторпат и почнува да се оддалечува, веќе не чека ниту момент и се фрла во базенот за да го спаси својот сопственик.

Се врти наоколу, го фаќа паника, но не се откажува додека не го види дека е излезен на површина.

Погледнете зошто кучето е најдобар пријател на човекот: