Необична улична храна од целиот свет која ретко кој би се осмелил да ја проба
Дали би пробале гасеници во Зимбабве или, пак, пржени тарантули во Камбоџа?
Пробувањето на локалната храна е важен дел од секое патување и значително го збогатува целото искуство.
За туристите секогаш најпопуларна е уличната храна која освен што е поевтина, исто така е дел од локалната кујна.
Но, покрај вкусната улична храна која без двоумење би ја пробале, во земјите ширум светот има и јадења што веројатно не би сакале да ги ставите во уста.
Осум вакви јадења во продолжение:
Гасеници во Зимбабве
Во неколку земји во Јужна Африка, особено во Зимбабве многу познат деликатес се гасениците познати и како mopane worms (лат. Gonimbrasia belina).
Гасениците се собираат за време на дождовната сезона, а потоа се чистат и се сушат на сонце. Ова ги прави погодни за јадење во текот на целата година.
Некои ги јадат само гасениците, а некои ги комбинираат со домати, лук, кикиритки и кромид.
Жабји копани во некои азиски држави
Иако се сметат за француски деликатес, жабјите копани се популарна улична храна во некои азиски земји како Виетнам, Камбоџа и Тајланд.
Според оние кои ги пробале, вкусот е сличен како пилешко месо, но сепак многумина се гадат од помислата.
Јагула во желе, Англија
Ова јадење станало популарно во 18-тиот век, најмногу во источниот дел на Лондон.
Јадењето е всушност исечена јагула која се вари и зачинува. Потоа се остава да се олади и самата формира желатин.
Денес јадењето не е многу популарно ниту во Англија, но можете да го најдете во некои продавнички за деликатеси.
Isaw во Филипини
Ова популарно улично јадење од Филипините се всушност црева од свиња или кокошка, направени на скара.
Цревата се чистат, се превртуваат, па се чистат повторно. Овој процес се повторува неколкупати.
Потоа цревата се варат или се печат на скара, најчесто на стапче.
Продолжува на следната страница...
Би можело да ве интересира:
![](https://www.crnobelo.com/media/com_jvrelatives/images/thumbs/com_content_110640_400.jpg)
![](https://www.crnobelo.com/media/com_jvrelatives/images/thumbs/com_content_104050_400.jpg)
![](https://www.crnobelo.com/media/com_jvrelatives/images/thumbs/com_content_105268_400.jpg)
![](https://www.crnobelo.com/media/com_jvrelatives/images/thumbs/com_content_106613_400.jpg)
![](https://www.crnobelo.com/media/com_jvrelatives/images/thumbs/com_content_107107_400.jpg)
![](https://www.crnobelo.com/media/com_jvrelatives/images/thumbs/com_content_107451_400.jpg)