Најчести грешки во различни земји поради кои локалците веднаш ќе сфатат дека сте туристи

Во Јапонија не е културно да се јаде на улица, жените во Турција на прекрстуваат нозе, во Италија се седнува во ресторан само во точно определено време... Кои се најчестите грешки кои ги правиме, а поради кои локалците веднаш ќе сфатат дека сме туристи?

Секоја земја има свои традиции, обичаи, секојдневни навики на жителите. Кога патуваме, без да сме свесни, често кршиме некои од правилата, а токму тоа е она по што локалците веднаш ќе сфатат дека сме туристи.

Кои се правилата во различни земји кои туристите не ги знаат и ги кршат најчесто?

Франција: Сами земете си го кафето, почнете да јадете и пред да стигне храната за сите

Во Париз постојат кафулиња во кои гостите сами си го земаат кафето од шанк за да го однесат до масата кај што седат.

Ако го земете сами, наместо да ве послужи келнер, кафето е поевтино.

Во рестораните во Франција луѓето не чекаат келнерот да ја донесе храната за сите, туку штом им стигне порачката, најавуваат дека ќе почнат да јадат така што ќе кажат Bon appetit.

Но, ако порачаат пијалак во шише(нце), не ставаат во својата чаша пред да им понудат на другите.

Чиле: Не треба да јадете со раце

Во оваа земја се важни манирите на маса, па јадењето со раце е недозволиво.

Луѓето тука дури и хамбургерите и помфритот ги јадат со нож и виљушка.

Австралија: Не нарачувајте кафе со замена за млеко, пешачете од левата страна на улицата

Австралијците ја сфаќаат сериозно културата на пиење кафе, па најчесто пијат црно кафе, капучино или лате.

За нив е „грев“ ако во кафето ставите нешто друго освен млеко – чоколадни преливи, ликери со вкусови, шлаг, цимет, ванила...

А, бидејќи во Австралија се вози од левата страна, и пешаците треба да се движат од левата страна, а не од десната (како во најголемиот дел од светот).

Тајланд: Не седете на скали, не ги фалете децата

Во минатото постоело верување дека луѓето кои ќе седнат на скали го блокираат патот на добрата среќа, па затоа во Тајланд тоа се избегнува и денес.

Но, тука е погрешно и да им дадете комплименти на децата и да ги пофалите, бидејќи на тој начин може да ги „урочите“ па нешто лошо да им се случи.

Мексико: Важно е да бидете точни

Мексиканците се опседнати со времето и не сакаат кога луѓето доцнат.

Тие се секогаш навреме (или малку пред договореното). А, ако доцните на средбата, приватна или деловна, тие веднаш ќе сфатат дека не сте локалец.

Гренланд: Не носат шорцови, не ги галат кучињата кои влечат санки

Температурите на Гренланд се ниски, па дури и на лето не е многу топло.

Токму затоа локалците никогаш не носат шорцови. Кратки панталони носат само туристите кои доаѓаат во посета на земјата.

Кучињата кои влечат санки не се одгледуваат како домашни миленици.

Па, освен ако не добиете дозвола од газдите, не ги галете, колку и да ви се убави.

Продолжува на следната страница...