„Со кафе се јаде нешто благо“: Балкански навики поради кои се дебелееме

Ако се купува скара, се пресметува половина килограм месо по човек. По вака обилно јадење, секогаш има место и за баклава или домашна пита со јаболка.

Додека Италијанците јадат малку, бавно и со уживање, на просторите на поранешна Југославија се јаде како утре да не постои.

На овие простори сите сакаме да јадеме и ја користиме секоја можност за тоа - кога сме на гости, кога сме во кафана, кога сме на роденден или на свадба...

Реткост е да отидеме некаде на гости и да не добиеме барем нешто за мезе, а потоа истото да премине во ручек или вечера.

Па, кои се навиките за јадење на Балканот поради кои имаме проблеми со вишокот килограми?

Со кафе задолжително се јаде нешто благо

Локум, коцка шеќер, парче торта, сладолед - што било. Каде и да одите на гости заедно со кафето ќе ви послужат благо и грицки.

Тоа е прво правило за добро гостопримство.

Леб се јаде со секој оброк

На прво место е супата, потоа следуваат главното јадење и задолжителната салата.

Лебот е составен дел од секој оброк, дури и во оние оброци кои содржат месо, риба, компири и ориз.

Иако после супата се чувствувате сито, морате да го изедете целото јадење, па макар експлодирале.

Ниту една прослава не може да се замисли без свинско или јагнешко

Да се приготви јагнешко или свинско, не е потребна голема причина за славење - доволно е целото семејство да се собере на едно место.

А, ако се купува скара, се пресметува половина килограм месо по член од семејството.

По вака обилно јадење, секогаш има место и за баклава или домашна пита со јаболка.

На крајот секогаш се зборува за тоа дека нашиот метаболизам повеќе не работи исто како порано и дека се дебелееме и од вода, но никој не споменува дека тој ден никој не се ни напил вода.

С. Ш. | Црнобело / фото: Инстаграм, freepik.com