3 причини зошто секогаш треба да ја слушате интуицијата

Во каква ситуација и да сте, кога срцето и мозокот ви се поделени на две спротивни страни, ви предлагаме 3 причини зошто да ја следите интуицијата.

1. Интуицијата е обликувана од сите претходни искуства и знаењето кое сте го стекнале од нив

Што сте поискусни, толку поистренирана ви е интуицијата. Иако може да биде корисно да побарате трето мислење, сетете се дека никој не знае што е подобро за вас од вие самите. Земете го нивниот совет во обѕир, но на крајот вашата интуиција знае најдобро. Треба само да верувате дека имате се што е потребно да донесете добра одлука.

2. Вашата интуиција е кодирана во вашиот мозок како мрежа на факти и емоции

Токму заради тоа, интуицијата е моќна. Таа го поврзува вашето тело со вашиот дух. Оваа мрежа на факти  и емоции прави да се чувствувате експанзивно, возбудено и нервозно кога пред вас имате нов, вистински предизвик. Во спротивно, ако не треба да го прифатите, ќе се чувствувате преплашено, празно и летаргично.

3. Вашата интуиција ви ги поврзува сите нерви во телото

Пеперутките кои ги чувствувате во стомакот се токму тоа - милион нервни клетки кои се наоѓаат во вас и ви испраќаат порака дека сте ставени пред голема одлука. И во тој момент нема ништо посилно и поправилно од тоа да ги следите пеперутките.