Рецептот за среќен живот: Анализирајте си ги своите животни приоритети

Ако некогаш сте се прашувале во што се состои среќата во животот, сигурно сте расчистиле дека тоа не се пари, статус, моќ или сила.

Туку, во внатрешното чувство на исполнетост кое се постигнува со баланс во сите сегменти на вашиот живот. Секојдневното потсетување на нив не враќа на суштината, кога многуте обврски ќе ни се натрупаат и мора да го правиме она кое што не ни се вклопува во долгорочните планови.

За да останете сконцентрирани на важните аспекти од вашиот живот – практикувајте ги овие работи:

1. Направете си листа на животни приоритети оценете ги од 1 – 10 според тоа колку сте задоволни од тој аспект на животот.

2. Напишете си по една работа која би можеле да ја направите во наредната недела за да го подобрите тој сегмент од вашиот живот.

3. Ниту еден план не се реализирал само со желба, туку со работа – уште денес тргнете по она што ви е важно.

Еве и неколку прашања кои би можеле да ве одведат до поголема среќа во животот:

Здравје

Дали сте задоволни од енергијата која ја имате? Дали водите сметка за исхраната, вежбањето, дали доволно одмарате? Што правите да се опуштите од секојдневниот стрес?

Фамилија – пријатели

Дали имате време за оние кои ве сакаат?

Кариера

Што треба да се случи за да се почувствувате успешно?

Пари

Колку приходи ви се потребни за да бидете задоволни? Напишете или направете план кој ќе ве ослободи од секојдневниот стрес околу трошењето пари и заработката.

Уживање

Што ви служи работата ако немате време за уживање во она што го сакате? Одморот е во основата на сите активности, како што е платата е уживање за она кое го работите во животот.