Веруваат во семоќен бог, прават тајни ритуали: Кои правила ги следат модерните масони?

Во некои масонски ложи, до денес е забрането да се примаат жени, а масоните имаат и своја листа со закони и правила кои не смеат да бидат прекршени.

Покрај илуминатите, масоните важат за едно од најмистериозните тајни друштва.

Друштвото потекнува уште од Средниот век, а било основано од тогашните ѕидари и градежници кои правеле катедрали.

Постојат многу теории за тоа која била причината за обединувањето на ѕидарите и градежниците.

Главно се верува дека првично во друштвото примале и чираци кои го изучувале занаетот од постарите ѕидари.

Но, со текот на времето, друштвото станало привлечно и за луѓе кои немале никаква врска со градежништво, туку само сакале да водат дискусии за разни теми.

Масоните се дистанцирале од религијата, па можеби и ова ги правело привлечни во тој период.

Оттогаш, друштвото се има променето многу, но опстојува до денес и неретко членовите се нарекувани и фримасони.

Сепак, си ја задржале таинственоста, па освен членовите, скоро никој не знае која е нивната цел и што точно прават зад затворени врати.

Неколку правила што ги следат модерните масони:

Членовите мора да исполнуваат одредени барања

Не секој може да стане масон и во некои ограноци низ светот, на жените уште им е забрането да се приклучат на друштвото.

Но, наводно ова се менува и има сè повеќе жени масони.

Членовите мора да се полнолетни и да веруваат во бесмртноста на душата.

Иако се дистанцираат од христијанството и другите религии, масоните имаат свои теолошки верувања.

Наводно, тие веруваат во семоќно битие, слично како Бог во христијанството.

Мора да носат соодветна облека

Масоните треба да следат дрес код на нивните собири.

Тие не треба да се истакнуваат со облеката, па повеќето избираат едноставен црн костум со светла кошула.

Дозволено им е да носат додатоци како прстени или часовници.

Сепак, за некои ритуали имаат посебна облека, како наметки.

Имаат ритуал за иницирање

Се верува дека масоните имаат безброј ритуали од кои најпознат е оној за иницирање.

Кога во друштвото ќе дојде нов член, тој облекува церемонијална облека, односно вид наметка.

Едната града му е откриена, како доказ дека не е жена (за ложите каде е забрането да се примаат жени)

Откриена му е и десната рака, што симболично прикажува дека на себе нема оружје.

Некогаш новите членови носат превез на очите и јаже на вратот со кое друг член ги води до церемонијална соба.

Додека трае церемонијата, на новиот член му се поставени и други прашања, а наводно го допираат и со нож на разголената града како доказ за неговата посветеност на друштвото.

Членовите ја кажуваат својата заклетва клекнати на колена.

Луѓето сами аплицираат за да станат дел од друштвото

Постои верување дека друштвото треба да ве покани, но всушност секој може и сам да аплицира да стане дел од Масоните.

Но, предност имаат оние кои веќе познаваат масони кои можат да „пуштат абер“ за нив во друштвото.

Потоа друштвото ја разгледува апликацијата, па доколу станува збор за соодветен член, го известуваат.

Не смеат да ги прекршат нивните закони и правила

Масоните имаат огромна листа со правила и закони кои членовите не смеат да ги прекршат.

На пример, тие не смеат да користат пцости, мораат да им помагаат на другите членови кога има потреба од тоа, не смеат да зборуваат за тајните на друштвото, не смеат да им бидат неверни на сопругите…

Мораат да бидат дел од ложа

Секој кој е масон, мора да биде дел и од масонска ложа.

Обично по ритуалот за иницијација, на секој му се одредува ложа, но тој може да ја промени доколу ги извршувал своите должности и не прекршил некое од масонските правила.

Спирова С. | Црнобело