Правила и забрани кои жените Амиши мораат да ги почитуваат

Не смеат да ја потстрижуваат косата и од нив се очекува да бидат домаќинки кои ќе им се потчинуваат на мажите. Кои други правила ги следат жените од заедниците на Амишите?

Амишите се конзервативна христијанска заедница која одбива да го прифати модерниот начин на живот.

Нивната цел е да живеат што е можно поедноставно, бидејќи веруваат дека само така ја покажуваат својата верба кон Бог.

Постојат заедници кои се позатворени и заедници кои се полиберални, но обично следат исти правила на живот.

Низ годините се имаат појавено многу гласини за експлоатација и малтретирање во заедниците на Амишите, па тие важат и за контроверзна група.

Дел од правилата што треба да ги следат жените во амишките заедници:

Треба да им бидат потчинети на мажите

Генерално, начинот на живот на Амишите се фокусира на потчинетост – мажите му се потчинети на Бог, додека жените им се потчинуваат на нивните мажи.

Но, според нивните верувања, мажите треба да ѝ покажат почит на жената.

Сепак, и покрај ова верување, низ годините се имаат појавено многу гласини за насилството што го трпат жените во овие заедници.

Жените во заедницата немаат моќ, но имаат обврски како грижа за домот.

Ретко се образуваат

За мажите жените од амишките заедници, формалното образование завршува со основно.

По ова, мажите обично учат да се грижат за посевот и животните или стануваат чираци кај некој занаетчија.

Од жените, пак, се очекува да се фокусираат само на домаќинството откако ќе завршат основно и речиси и да немаат избор.

Мора да следат строги правила ако сакаат да работат надвор од заедницата

Обично жените во овие заедници имаат должност да се грижат за домаќинството и децата и не смеат да работат.

Сепак, некои заедници не се толку конзервативни, па жените можат да се вработат како, на пример, во продавница.

А, во овој случај мора да следат строги правила.

На пример, заедницата може да им забрани да користат каква било технологија на работа, дури и ако им е навистина потребна за работните задачи.

Во некои заедници жените имаат опција да работат за други Амиши, но тогаш добиваат многу, многу мала плата.

Откако ќе се омажат, од жените се очекува да се откажат од работата.

Мора да ја кријат косата

Ова правило може да се разликува од една до друга заедница, но обично жената мора да си ја покрива косата за да ја покаже својата верба и нејзината посветеност.

Жените ја кријат косата со мали капчиња, а кај поконзервативните заедници, ако излегуваат надвор, врз тоа капче мораат да стават уште една капа.

Не треба да ја потстрижуваат косата

Според верувањата на Амишите, за жената е срамно да ја потстриже својата коса.

Поради ова, жените не ги кратат косите, а никогаш не прават ни фризури, освено што ја собираат косата за да ја скријат под капчето.

Постојат правила и за време на породување

Жените од овие заедници обично раѓаат по неколку деца. Се претпоставува дека секое семејство има шест деца во просек.

А, на денот на породувањето, жените треба да следат други правила.

Најпрво, Амишите не веруваат во модерната медицина, па жените се породуваат во домашни услови.

Вистинска реткост е да добијат нешто против болка, како епидурална инјекција.

Исто така, во некои заедници жените мора да носат и посебна облека додека се породуваат.

Постои ризик нивните деца да имаат многу генетски нарушувања

Амишите се затворени заедници. Ова значи дека една заедница е основана од мал број луѓе кои потоа се размножуваат меѓусебно.

Со ова, пак, драстично се зголемува ризикот да се наследат гени кои се одговорни за некакви нарушувања во животот.

Во некои заедници се појавувале многу случаи на деца родени со вишок прсти, како и деца со џуџест раст.

Па, дури и ако жената е свесна за ова, во повеќето случаи скоро и да нема избор и мора да се омажи за член од нејзината заедница.

Скоро никогаш не носат шминка и мора да носат едноставна облека

Амишите се горди на нивниот едноставен начин на живот, а горди се и на нивниот едноставен изглед.

Поради ова, жените не се шминкаат, а облеката што ја носат е едноставна.

Притоа, мора да го покрива секој дел од нивното тело.

Спирова С. | Црнобело