Зошто на маратон се трчаат 42 километри?

Маратонската трка е инспирирана од мит, според кој гласник трчал од грчкиот град Маратон, па сè до Атина, за да им каже на атињаните дека ја победиле персиската војска…

Секоја година, низ светот се одржуваат над 800 маратони, а неодамна и Скопје беше домаќин на веќе традиционалниот Скопски маратон.

Главно, учесниците не се професионални спортисти, туку луѓе за кои трчањето е рекреација, а на поголемите маратони, како оној во Скопје, секогаш има илјадници учесници.

Маратонската трка е дел и од Олимписките игри.

Покрај помалите трки, како полумаратон од 21 километар и трката од 5 километри, сигурно веќе знаете дека „главниот“ маратон претставува трка од 42 километри.

Но, знаете ли зошто е избран токму овој број?

Неколку факти за историјата на маратонот:

Растојанието од 42 километри првпат било стандардизирано во 1921 година, иако маратони се трчале уште во доцните 1800-ти години.

Интересно е што личноста која го измислила модерниот маратон била всушност филолог.

Французинот Мишел Бреал, во 1984 година, предложил на Олимписките игри да се вклучи и маратонската трка.

Па, во 1986 година, маратонот станал дел од Олимписките игри.

Идејата за маратонот на Мишел била инспирирана од грчкиот мит за гласникот Филипид.

Според легендата, Филипид учествувал во Војната на Маратон во 490 година пред нашата ера, која се водела од август до септември.

Маратон е град во грчката периферија Атика и се наоѓа на околу 40 километри од Атина.

Војната во Маратон се водела во време на персиската инвазија на Грција.

Легендата вели дека грчкиот гласник Филипд, додека бил во Маратон забележал персиски брод кој се движи кон Атина.

Дотогаш победата на грчката војска била речиси сигурна, па Филипид помислил дека со овој напад, Персијците или ќе ја опустошат Атина, или ќе лажат за нивната победа за да можат да го присвојат градот.

За да го спречи ова, Филипид решил да трча до Атина за да им каже на атињаните дека ја добиле битката.

Според легендата, Филипид го фрлил своето оружје, па дури и облеката за да не му тежи, и трчал 42 километри (од Маратон до Атина) без да запре.

Кога стигнал во Атина, извикал „Победивме,; по што колабирал и умрел.

Иако војната навистина се случила, до денес постои дебата за веродостојноста на митот за Филипед.

На пример, познатиот историчар Херодот напишал дека Филипид трчал од Атина до Спарта барајќи помош, а потоа повторно, со трчање, се вратил до Атина, со тоа поминувајќи над 200 километри во еден правец.

Митот за трчањето од Маратон до Атина се прославил благодарение на поема од англискиот поет Роберт Браунинг.

Тој ја издал поемата во 1879 година, која станала мошне популарна и јавноста ја прифатила како историска легенда.

Без разлика дали приказната е вистинита, организаторите на Олимписките игри сметале дека одлично се вклопува во настанот кој потекнува од древна Грција.

Оттогаш, маратонот не само што е дел од Олимписките игри, туку е и манифестација која се одржува низ повеќето земји ширум светот.

42-те километри, пак, го симболизираат патот што наводно го истрчал Филипид.

Спирова С. | Црнобело