Ги избришав од животот луѓето кои немаат време за мене

„Направив мал експеримент. Престанав да се јавувам. Престанав да ги посетувам. Целосно исчезнав. Сакав да видам колку 'мртви растенија' залевав сите овие години. Суровата реалност ме шокира. Ми го скрши срцето, но научив нешто за луѓето кои ме опкружуваа цело време“.

Ги познавате оние неколку грижливи пријатели кои се секогаш тука за вас, без оглед на сè? Јас бев таква. Секогаш го следев правилото дека пријателството, како и цвеќињата, мора да се негува и дека само тогаш ќе цвета.

Во спротивно, врската многу брзо ќе се исуши и ќе умре. Затоа секогаш се трудев да го задржам пријателството. Отсекогаш сакав да бидам покрај луѓето што ги сакам.

За жал, не секогаш добивав соодветен одговор од оние кон кои бев внимателна.

Но, секогаш си велев: „Однесувај се со другите онака како што сакаш да се однесуваат со тебе. Оние кои треба да бидат во твојот живот, сигурно ќе бидат во него. Луѓето што се достојни, сигурно ќе ги привлече твојата светлина“.

Така беше сè додека еден убав ден не сфатив дека им се посветувам на погрешни луѓе.

Конечно ја видов вистината која ми беше пред очи сите овие години. Сфатив дека цело време се залажувам.

Луѓето не секогаш се однесуваат со вас онака како што вие се однесувате кон нив. Некои остануваат со вас само за да ја искористат вашата добрина. Тие се појавуваат само кога им треба нешто од вас.

Така, направив мал експеримент. Престанав да се јавувам. Престанав да ги посетувам. Целосно исчезнав. Сакав да видам колку „мртви растенија“ залевав сите овие години.

Суровата реалност ме шокира. Ми го скрши срцето, но научив нешто за луѓето кои ме опкружуваа цело време.

Потоа конечно решив да ги земам работите во свои раце и да ги избришам од мојот живот луѓето кои не се грижат за мене.

Морам да признаам дека многу од нив ги сметав за вистински пријатели. После сè, почувствував вистинско олеснување.

Пријателството е двонасочна улица. Не можете да очекувате да добиете нешто ако не дадете ништо за возврат. Тоа е закон на животот.

Ако навистина се грижите за некого, ќе бидете тука за него, без разлика колку сте зафатени. Кога сакате некого, нема оправдување.

Се грижите за саканата личност затоа што тоа го сакате. И нема место на светот каде што повеќе би сакале да бидете отколку покрај пријателот на кој му требате.

Решив да не се посветувам на луѓето кои не знаат да го ценат тоа. Заслужувам да бидам опкружена со пријатели кои искрено ме сакаат и почитуваат.

Изморена сум да спасувам врски кои, за жал, беа мртви од самиот почеток. Доста ми е од луѓе кои никогаш немаат време за мене.

Изморена сум да се преправам дека сè е во ред кога очигледно не е. Решив повеќе да не дозволувам луѓето да ја злоупотребуваат мојата добрина.

Немам толку време да го трошам на луѓето кои не ме сакаат толку колку што јас ги сакам нив.

Ги бришам од мојот живот оние кои ми предизвикуваат болка, ме запоставуваат и ме напуштаат во тешките моменти, а се појавуваат само кога им треба мојата помош.

Претпочитам да имам еден верен и грижлив пријател кој навистина ме сака, отколку да си го трошам животот на себични лицемери. Квалитетот е поважен од квантитетот - секогаш и во сè.

Извор