Сонување весник значи дека ќе слушнете добар глас.

Што значи да сонувате весник или списание?

Весниците во сон имаат позитивно значење и се однесуваат на важна вест што ја очекувате.

Ако гледате весник во сон

Ако во сон гледате весник, тоа укажува дека ќе слушнете добар глас. Можно е да  ви се јави личност што ќе ви соопшти она што ќе сакате да го слушнете.

Тоа може да биде поврзано со вашиот деловен или приватен живот, но секако ќе биде зелено светло да започнете со плановите за кои долго размислувавте.

Ако сонувате дека читате весник

Доколку во сон читате весник, тоа значи дека сте добро информирани. Сакате да бидете во тек со најновите случувања затоа што на тој начин можете да учествувате во сите разговори и да го кажете своето мислење засновано врз факти.

Се трудите кратко и јасно да ги објасните своите ставови, не дозволувајќи никому ни да се обиде да ве изманипулира.

Ако сонувате дека кинете весник

Кога во сон кинете весник, тоа означува предавство. Може да се случи на многу грд начин да откриете дека некој не бил искрен со вас и дека работел зад вашиот грб. Иако оваа вест тешко ќе ја поднесете, ќе почувствувате и некој вид олеснување бидејќи без грижа на совест ќе можете да раскинете врска, соработка или пријателство со личност на која повеќе не ѝ верувате.

Значењето на сонот може да биде поедноставно. Доколку неодамна сте виделе,  читале, купиле или сте искинале весник, тоа сигурно ви оставило впечаток.

Дефиниција за весник

Весниците се печатени медиуми кои известуваат за важни настани од спортскиот, политичкиот, социјалниот и културниот живот.