Необични близнаци

Детали

четврток, 15 јануари 2009

Еве уште една приказна за близнаци, но оваа е навистина необична. Овој пат веста доаѓа од градот Рочестер, во Мичиген, Соединетите Американски Држави.

 

Мичигенските близнаци се родени во различен ден, различен месец и различна година. Сигурно се прашувате како е тоа можно. Меѓутоа можно е!

Тие навистина се близнаци и покрај тоа што им пишува во листата на родени. Еве и како.

Еден од близнаците по име Тарик Грифин, дошол на свет 17 минути по полноќна првиот ден од новата година во болницата Критентон во градот Рочестер.

Неговиот брат близнак, Теренс Грифин е роден нешто порано. Имено, тој е роден точно 26 минути пред својот брат.

Токму тие 26 минути се причина на целата збрка. Тоа значи дека теренс Грифин е роден на 31 декември 2008година, а Тарик Грифин на 01 јануари 2009 година!

Тоа значи дека двете момчиња, иако се близнаци, имаат неверојатна и единствена можност да се разликуваат по тоа што се родени во различен ден, различен месец, па дури и во различна година!

Тоа навистина е редок случај!