Загриженост за здравјето на астронаутите заглавени на Меѓународната вселенска станица – враќањето се одложи за март

„Секако дека астронаутите се тренирани да се справуваат со стресни ситуации, но ова сценарио не е нешто што го очекувале.

Има влијае врз нивната психа што, пак, има влијание и врз нивното тело“, вели д-р Карол Либерман од Калифорнија.

Од НАСА апелираат дека астронаутите се во добра здравствена состојба, но познато е дека има ризици кога станува збор за подолг престој.

Досегашните истражувања покажале дека мускулите и коските можат да ослабат, додека и изложеноста на радијацијата во вселената не е безопасна.

Може да се јават проблеми со бубрезите, па и со кардиоваскуларниот систем, а секако дека ќе има последици и поради микрогравитацијата.

„Кога ја нема силата на гравитацијата, телото нема причина да ја задржува густината и цврстината на мускулите и коските, па тие стануваат покревки“, вели д-р Жакиш.

Секако, од НАСА ги имаат земено предвид овие работи, па астронаутите редовно вежбаат и генерално се хранат добро.

И, иако веројатно ќе чувствуваат последици, поради нивниот тренинг, мала е веројатноста да се најдат во животозагрозувачка состојба откако ќе се вратат.

Кој го има најдолгиот престој во Меѓународната вселенска станица?

Иако изгледа како Буч и Суни да поставуваат рекорд, нивниот престој не е најдолгиот во Меѓународната вселенска станица.

Во 2015 и 2016 година, астронаутот Скот Кели помина 340 дена во станицата.

Тој беше дел од експеримент – неговиот брат близнак беше на Земјата, па откако се врати и тој, експертите правеа споредби и испитувања.

Во 2023-та, пак, астронаутот Франк Рубио беше во слична ситуација како Буч и Суни.

Тој помина една година на станицата поради проблем со леталото што требаше да го врати на Земјата.

Шест други астронаути имаат поминато повеќе од една година на станицата и не се соочиле со сериозни здравствени проблеми по враќањето.

Па, веројатно и Буч и Суни ќе бидат во ред.

Спирова С. | Црнобело