Загриженост за здравјето на астронаутите заглавени на Меѓународната вселенска станица – враќањето се одложи за март

Детали

четврток, 19 декември 2024

Суни Вилијам (59) и Буч Вилмор (61) ќе останат во Меѓународната вселенска станица најрано до крајот на март бидејќи спасувачката мисија беше одложена. Тие ќе поминат повеќе од девет месеци во вселената, а јавноста веќе се загрижува за нивното здравје.

Астронаутите Буч Вилмор и Суни Вилијамс, кои се заглавени во Меѓународната станица уште од јуни, ќе треба да останат таму барем до крајот на март.

Првично, мисијата на астронаутите требаше да трае само десет дена, од кои осум на станицата, но поради технички проблеми, останаа подолго.

Плановите беа да се вратат во февруари 2025-та, но сега враќањето уште еднаш им е одложено, што значи ќе поминат најмалку девет месеци во вселената.

Деновиве, пак, се јавува и загриженост за здравствената состојба на астронаутите бидејќи долгиот престој во вселената сепак не е без последици.

Како Буч Вилмор и Суни Вилијамс се најдоа во оваа ситуација?

59-годишната Суни Вилијамс и 61-годишниот Буч Вилмор беа лансирани кон станицата на 5-ти јуни.

Ова лансирање беше вид тест на леталото Starliner направено од компанијата Boeing.

Со леталото, НАСА се надеваше дека ќе може да ги транспортира астронаутите до и од станицата без руското летало Soyuz.

Бул и Суни требаше да поминат осум дена на станицата, а потоа да се вратат на Земјата.

Но, кратко по лансирањето, леталото Starliner се соочи со неколку проблеми, вклучувајќи и протекување на хелиум.

Астронаутите безбедно стигнаа на станицата, а од НАСА одлучија да им го продолжат престојот додека да соберат повеќе информации за проблемите и да најдат решение.

Но, на крај сфатија дека е премногу ризично да ги вратат на Земјата.

Тие останаа на станицата, додека Starliner се врати на Земјата во септември, без екипаж.

Во февруари 2025-та имаше закажано друга мисија до станицата, со капсулата Crew Dragon на SpaceX и планот беше Буч и Суни да се вратат тогаш.

Поради технички проблеми, сега оваа мисија е одложена за март 2025-та, но може и до подоцна.

Кои се можните последици по нивното здравје?

Уште пред околу еден месец јавноста почна да дискутира за наглото слабеење на Суни.

Во видеата и фотките што ги споделуваат од станицата е повеќе од очигледно дека ослабела од периодот пред лансирањето.

За Daily Mail, неколку доктори дискутираат за можните последици по здравјето на двајцата астронаути.

„Додека да се вратат на Земјата, ќе бидат изложени на екстремно висок ризик од скршеници на коски. Веројатно нема да можат да одат без некакво помагало…

Ќе им требаат месеци за да си ги вратат телата во нормала“, вели д-р Џон Жакиш кој е биомедицински инженер.

Иако овие промени не се нешто неочекувано кај астронаутите во станицата, и Буч и Суни сепак се повозрасни, а не ни очекувале да поминат девет-десет месеци во вселената.

Продолжува на следната страница...