Мајка ѝ ја добила во афера, секогаш бира постари мажи - Како внуката на Борис Елцин стана скандал-девојка?

Детали

сабота, 12 октомври 2024

Таа е петта внука на рускиот претседател Борис Елцин. На 17 години започна врска со 29-годишен фудбалер, имаше гласини за свршувачка, но потоа се разделија. Што знаеме за Марија Јумашина, која важи за скандал-девојка?

Внуката на првиот руски претседател Борис Елцин, Марија Јумашина е вистинска скандал-девојка.

Израснала во огромно богатство, а на 17 години предизвикала вистинска бура од реакции во јавноста кога започнала врска со 12 години повозрасен фудбалер.

Руските медиуми често пишуваат за нејзините разголени изданија и луксузните забави на кои присуствува.

Која е Марија Јумашева и што знаеме за неа?

Марија Јумашева е петтата внука на поранешниот руски претседател Борис Елцин. Таа е плод на третиот брак на нејзината мајка Татјана Борисовна Јумашева, која била ќерка на претседателот.

Нејзиниот татко е Валентин Борисович Јумашев кој во младоста работел како новинар, а потоа навлегол и во политичките води и работел како советник на претседателот.

Татјана и Валентин стапиле во брак во 2001-ва година. Таа се развела од вториот сопруг, милијардерот Леонид Дјаченко, откако станало јасно дека е бремена од аферата со Валентин.

Со оглед на тоа што мајка ѝ имала 41 година кога останала бремена со Марија, таа се породила во една од најдобрите клиники во Лондон. Девојчето е родено во 2002-ра година, во периодот кога на нејзиниот дедо веќе значително му била влошена здравствeната состојба.

Како најмала внука, Maрија од мали нозе се навикнала целото внимание да биде свртено кон неа. Родителите ѝ ги обезбедиле најдобрите дадилки, таа изучувала јазици, одела на часови по балет и музика, и тренирала тенис.

Во 2013-та година нејзиното семејство одлучило да се пресели во Австрија, каде таа го продолжила образованието во елитно училиште.

Сонувала еден ден да студира во САД, но родителите не ѝ дозволиле, па така одлучила да се пресели во Лондон, каде водела живот на богата наследничка, која често можела да биде забележана како оди во шопинг во ексклузивни бутици и со ќеси од познати и скапи брендови.

Продолжува на следната страница...