Емотивно до солзи: Болна мајка присуствува на свадбата на ќерката, ден пред да почине

Детали

петок, 23 август 2024

„На 19-ти август ја направивме свадбата, а мајка ми почина на 20-ти...“ – цело семејство помогнало за набрзина да се организира свадбата и болната мајка на невестата да може да присуствува во последните денови од животот. Видео приказна која ја крши душата.

На Инстаграм профилот „Good News Movement“ објавија емотивно свадбено видео, чија приказна нема никого да остави рамнодушен.  

На видеото се гледаат младоженци кои се венчаат на плажа, а потоа невестата оди и ја прегрнува со солзи нејзината мајка во инвалидска количка.

Приказната зад оваа емотивна сцена, е тоа што мајката на невестата во тој момент ги живее последните денови од битката со ракот.

Таа била нереспонсивна во поголем дел од денот, но се разбудила за овој посебен момент.

Свадбата била организирана набрзина, со помош на двете семејства, најблиските, но и рандом луѓе, со цел мајката да ја види својата ќерка како невеста, а веќе следниот ден, за жал починала.

„Мојот сопруг побара дозвола на 16-ти август (петок), долета кај нас на 17-ти (тој е маринец и е стациониран далеку од нас), неговото семејство пристигна на 18-ти.

Тогаш тој ме запроси официјално и свадбата беше во понеделник наутро. На 20-ти, таа почина...

Морам да додадам и дека ја објавив онлајн мојата ситуација, бидејќи ми требаше фустан.

Имаше најмалку 100 луѓе кои коментираа и ми пишаа дека ќе ми го донираат нивниот фустан и дека би помогнале на нашата церемонија со фотографирање на настанот, планирање на свадбата и слично“ - изјавила невестата за The Good News Movement. 

Погледнете го емотивното видео:

https://www.instagram.com/reel/C-9LMPyMP3i/?igsh=MTJsNHhxdjl4dWN1aw%3D%3D

М. М. | Црнобело